ପୁରୀ ବ୍ଲେସଡ ସାକ୍ରାମେଣ୍ଟ ହାଇସ୍କୁଲର ସଫଳତା

ପୁରୀ : ପୁରୀର ବ୍ଲେସେଡ୍ ସାକ୍ରାମେଣ୍ଟ ହାଇସ୍କୁଲର ଛାତ୍ର, ଛାତ୍ରୀ ମାନେ ସ୍ଥାପିତ କରିଛନ୍ତି ସଫଳତାର ନୂଆ କୀର୍ତି ସ୍ତମ୍ଭ। କାଉନସିଲ ଫର୍ ଦି ଇଣ୍ଡିଆନ ସ୍କୁଲ ସାର୍ଟିଫିକେଟ ପରୀକ୍ଷା (ସିଆଇଏସସି) ଦ୍ଵାରା ପରିଚାଳିତ ଆଇସିଏସଇ (ଦଶମ ଶ୍ରେଣୀ) ଓ ଆଇଏସସି (+୨ ) ପରୀକ୍ଷାଫଳ ସୋମ‌ବାର ଦିନ ପ୍ରକାଶ ପାଇଛି ।

ଏଥିରେ ପୁରୀ ସ୍ଥିତ ବ୍ଲେସେଡ୍ ସାକ୍ରାମେଣ୍ଟ ହାଇସ୍କୁଲ, ଭିଆଇପି ରୋଡ, ପୁରୀର ଛାତ୍ର ଛାତ୍ରୀମାନେ ଉଚ୍ଚକୋଟୀର କୃତିତ୍ୱ ହାସଲ କରି ପୁରୀ ଜିଲ୍ଲା ପାଇଁ ଗୌରବ ଆଣିଛନ୍ତି । ଏହି ବିଦ୍ୟାଳୟର ୧୦ମ ଶ୍ରେଣୀର ଛାତ୍ର ଶ୍ରୀମାନ ପୀୟୁଷ ଜେନା ୯୯.୬୬ ପ୍ରତିଶତ ମାର୍କ ରଖି ଓଡିଶାରେ ପ୍ରଥମ ସ୍ଥାନ ଅଧିକାର କରିଛନ୍ତି l ସେହିପରି ଦ୍ବାଦଶ ଶ୍ରେଣୀର ଛାତ୍ରୀ ସୁଶ୍ରୀ ସୁଭ୍ରା ପ୍ରୀୟଦର୍ଶନୀ ୯୦.୫% ପ୍ରତିଶତ ମାର୍କରଖି ସମଗ୍ର ପୁରୀ ଜିଲ୍ଲାରେ ଟପର ହୋଇଛନ୍ତି ।

ଦଶମ ଶ୍ରେଣୀରେ ମୋଟ ୯୪ ଜଣ ଏବଂ ଦ୍ବାଦଶ ଶ୍ରେଣୀର ୧୬ଜଣ ଛାତ୍ର ଛାତ୍ରୀ ଶତ ପ୍ରତିଶତ ଫଳାଫଳ ରଖି ଜିଲ୍ଲା ଓ ରାଜ୍ୟରେ ସୁନାମ ଅର୍ଜନ କରିଛନ୍ତି । ଦଶମ ଶ୍ରେଣୀରେ ମୋଟ ୯୪ଜଣଙ୍କ ମଧ୍ୟରୁ ୨୬ଜଣ ୯୦% ରୁ ଉର୍ଦ୍ଧ୍ବ ମାର୍କ ରଖିଛନ୍ତି । ଏହି ସଫଳତାରେ ବିଦ୍ୟାଳୟ ଓ ପରିଚାଳନା କମିଟିର ସମସ୍ତ ସଦସ୍ୟ, ଅଧ୍ଯକ୍ଷା ସିଷ୍ଟର ମେରୀ ଜର୍ଜ, ସମସ୍ତ ଶିକ୍ଷକ ଶିକ୍ଷୟିତ୍ରୀ ବୃନ୍ଦ ଏବଂ ଅଭିଭାବକମାନେ ଛାତ୍ର ଛାତ୍ରୀଙ୍କୁ ଶୁଭେଚ୍ଛା ଜଣାଇଛନ୍ତି ।

ସମୀର ରଞ୍ଜନ ନାୟକଙ୍କ ରିପୋର୍ଟ

Leave a Reply

Your email address will not be published. Required fields are marked *

error: Content is protected !!
Open chat
ଜୟ ଜଗନ୍ନାଥ 🙏🏻
ଶ୍ରୀକ୍ଷେତ୍ର ନ୍ୟୁଜକୁ ସ୍ୱାଗତ