ସୁବର୍ଣ୍ଣପୁର(ଶାନ୍ତନୁ କୁମାର କର୍ଣ୍ଣ): ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ବ୍ଲକ କାଦୋଦର ସ୍ଥିତ ଉମାଦେବୀ ଆଞ୍ଚଳିକ ଉଚ୍ଚ ମାଧ୍ୟମିକ ବିଦ୍ୟାଳୟ ଠାରେ ଜିଲ୍ଲା ଅଗ୍ରଣୀ ସ୍ଵେଚ୍ଛାସେବୀ ଅନୁଷ୍ଠାନ ଗ୍ରାମଉଥାନ୍ ଦ୍ଵାରା ଯୁବ ବିକାଶ କାର୍ଯକ୍ରମ (ସମଝୋ ତୋ କାର୍ଯକ୍ରମ) ଉଦଘାଟିତ ହୋଇଯାଇଛି । ଉକ୍ତ କାର୍ଯ୍ୟକ୍ରମକୁ ଗ୍ରାମଉଥାନ୍ ର ଯୁବ କାର୍ଯକ୍ରମ ପରିଚାଳକ କ୍ଷିରେନ୍ଦ୍ର ରଣା ପରିଚାଳନା କରିବା ସହିତ ଯୁବ ବିକାଶ କାର୍ଯକ୍ରମ ବିଷୟରେ ବିସ୍ତୃତ ଭାବରେ ଉପସ୍ଥାପନା କରିଥିଲେ । ଏହି କାର୍ଯକ୍ରମରେ ମୁଖ୍ୟ ଅତିଥି ଭାବେ କାଦୋଦର ସରପଞ୍ଚ ପ୍ରିୟଙ୍କା ପ୍ରିୟଦର୍ଶିନୀ ପାଢୀ, ସମ୍ମାନିତ ଅତିଥି ଭାବେ ମା ଉମାଦେବୀ ଆଞ୍ଚଳିକ ଉଚ୍ଚ ମାଧ୍ୟମିକ ବିଦ୍ୟାଳୟ, କାଦୋଦରର ଅଧ୍ୟକ୍ଷ ବଲ୍ଲଭ ପୁରୋହିତ, ଗ୍ରାମଉଥାନ୍ ର ମୁଖ୍ୟ ପରିଚାଳନା ଅଧିକାରୀ ମିସ ସ୍ଵର୍ଣ୍ଣରୂପା ମିଶ୍ର, ଗ୍ରାମଉଥାନ୍ ର ସଦସ୍ୟ ମିସ ରଶ୍ମିତା ପଧାନ ଓ ଲଛିପୁର ଗ୍ରାମ ପଂଚାୟତ କଲେଜର ଇତିହାସ ଅଧ୍ୟାପକ ଆର୍ତ୍ତତ୍ରାଣ ଦାସ ଉପସ୍ଥିତ ଥିଲେ ।
ଏହା ସହିତ ମା ଉମାଦେବୀ ଆଞ୍ଚଳିକ ଉଚ୍ଚ ମାଧ୍ୟମିକ ବିଦ୍ୟାଳୟ, କାଦୋଦର ଅଧ୍ୟାପକ, ଅଧ୍ୟାପିକା ଓ ଛାତ୍ର ଛାତ୍ରୀ ମାନେ ଯୋଗ ଦେଇଥିଲେ । ଅତିଥି ମାନେ ଏହି କାର୍ଯକ୍ରମକୁ ଉଦ୍ଘାଟନ କରିଥିଲେ । ଶେଷରେ ଛାତ୍ରୀ ପୂଜା ବଡମାଳୀ ଅତିଥି ମାନଙ୍କୁ ଧନ୍ୟବାଦ ଅର୍ପଣ କରିଥିଲେ । ପରେ ଯୁବ କାର୍ଯକ୍ରମ ପରିଚାଳକ ଶ୍ରୀ ରଣା ଏହି କାର୍ଯକ୍ରମର ପ୍ରଥମ ଭାଗ ୟୁଥ ମାନଙ୍କ ସହିତ କରାଇଥିଲେ । ସେଥିରେ ଏକାଗ୍ରତା, ସମନ୍ୟୟ ଖୋଜିବା, ଗତିଶୀଳ ପରିଚୟ ଆଦାନ ପ୍ରଦାନ (ସ୍ପିଡ ଡେଟିଂ), ମୂଳଭୂତ ନିୟମ ଗଠନ, ଧୃବିକରଣ ସହ ଏକ ରୋଚକ ମୋଡ, ପ୍ରସଂଶାତ୍ମକ ଅନୁସନ୍ଧାନ, ବ୍ୟକ୍ତିଗତ ଏବଂ ସମ୍ପ୍ରଦାୟ କାର୍ଯ ସହିତ ବାସ୍ତବ ଦୁନିଆଁ ସଂଯୋଗ ବିଷୟରେ କହିଥିଲା । ଏଥିରେ ଯୁବ କାର୍ଯକ୍ରମ ପରିଚାଳକ ଶ୍ରୀ ରଣାଙ୍କୁ ମିସ ରଶ୍ମିତା ପଧାନ ସହଯୋଗ କରିଥିଲେ ।