ଯୋଡ଼ା/କେନ୍ଦୁଝର(ସୀତାରାମ ଦୀକ୍ଷିତ): କେନ୍ଦୁଝର ଜିଲ୍ଲା ବଡ଼ବିଲ ପ୍ରେସ୍ କ୍ଲବରେ ମହା ସମାରୋହରେ ପାଳିତ ହେଲା ଜାତୀୟ ପ୍ରେସ୍ ଦିବସ । ବଡ଼ବିଲ ଲକି ଇଣ୍ଡିଆ ହୋଟେଲରେ ଅନୁଷ୍ଠିତ ଏହି ଜାତୀୟ ପ୍ରେସ୍ ଦିବସରେ ଜଗତର ନାଥ ଜଗନ୍ନାଥଙ୍କୁ ପୁଷ୍ପାଞ୍ଜଳି ଦେଇ ଦୀପ ପ୍ରଜ୍ବଳନ କରିଥିଲେ ଅତିଥି । ବଡ଼ବିଲ ପ୍ରେସ୍ କ୍ଲବର ବରିଷ୍ଠ ସାମ୍ବାଦିକ ବଳରାମ ମହାନ୍ତି ଅତିଥି ପରିଚୟ ସହ ଅତିଥିମାନଙ୍କୁ ମଞ୍ଚକୁ ଆମନ୍ତ୍ରଣ କରିଥିଲେ । ଏହି ଉତ୍ସବରେ ମୁଖ୍ୟ ଅତିଥି ଭାବେ ବଡ଼ବିଲ ତହସିଲଦାର ଡି,ଏସ, ଶୁଭଦର୍ଶୀ ଯୋଶୀ ଯୋଗ ଦେଇଥିବାବେଳେ ସମ୍ମାନିତ ଅତିଥି ଭାବରେ ଓଡିଶା ଖଣି ନିଗମ ର ଆଞ୍ଚଳିକ ପରିଚାଳକ ଶ୍ରୀ ଅବନୀ କାନ୍ତ ପ୍ରଧାନ , ସମାଜସେବୀ ବ୍ରଜ କିଶୋରେ ପଣ୍ଡା ମଞ୍ଚାସିନ ହୋଇଥିଲେ ।
ସମାଜସେବୀ ବ୍ରଜକିଶୋର ପଣ୍ଡା ଅଭିଭାଷଣ ଦେଇ ଏହି କାର୍ଯ୍ୟକ୍ରମରେ ସୁସ୍ଥ ଓ ଶୃଙ୍ଖଳିତ ସମାଜ ଗଠନରେ ଗଣମାଧ୍ୟମର ଭୂମିକା ଉପରେ ଆଲୋଚନା କରିଥିଲେ। ତ୍ରିବେଣୀ କଲା ସଂସ୍କୃତି ତରଫରୁ ଓଡିଶୀ ନୃତ୍ୟ ପରିଚାଳନା ହୋଇଥିଲା।ବଡ଼ବିଲ ପ୍ରେସ୍ କ୍ଲବ ସଭାପତି ସୁବୋଧ ଦାସ, ସମ୍ପାଦକ ମଧୁସୂଦନ ସାହୁ ନିଜ ନିଜର ବକ୍ତବ୍ୟ ପ୍ରଦାନ କରିଥିଲେ ।
ବରିଷ୍ଠ ସାମ୍ବାଦିକ ଦେଵପ୍ରିୟ ରଣା ମଞ୍ଚ ପରିଚାଳନା କରିଥିବା ବେଳେ ବଳରାମ ମହାନ୍ତି ଧନ୍ୟବାଦ ଅର୍ପଣ କରିଥିଲେ । ଏଥିସହ ବଡ଼ବିଲ ପ୍ରେସ କ୍ଲବର ଉପ ସଭାପତି ମକର ଧ୍ୱଜ ବାଗ ସହ ସମ୍ପାଦକ ଅଂଶୁମାନ ପ୍ରଧାନ , କୋଷାଧ୍ୟକ୍ଷ ସୀତାରାମ ଦୀକ୍ଷିତ , ଶାନ୍ତନୁ ଦାଶ, ରଘୁନାଥ ସାହୁ, ଚିତ୍ତ ରଞ୍ଜନ କର,ଦେବକାନ୍ତ ଦାସ,ଅଜୟ ଗିରି, ଡିମ୍ପଲ ସାଣ୍ଡିଲ,ବିଶ୍ୱଜିତ ମହାନ୍ତ,ଧରଣୀଧର ମହାନ୍ତ ପ୍ରମୁଖ ଉପସ୍ଥିତ ରହି କାର୍ଯ୍ୟକ୍ରମ ପରିଚାଳନା ରେ ପୁର୍ଣ ସହଯୋଗ ପ୍ରଦାନ କରିଥିଲେ ।