ରାୟଗଡା (ଗୋପୀନାଥ ଗୌଡ଼): ପୂର୍ବତଟ ରେଳପଥର ନବଗଠିତ ରାୟଗଡ଼ା ରେଳଡିଭିଜନ୍ ୧ ଜୁନ୍ ୨୦୨୬ ରୁ କାର୍ଯ୍ୟକ୍ଷମ ହୋଇଛି, ଯାହା ଦକ୍ଷିଣ ଓଡ଼ିଶା ଏବଂ ଏହାର ପାର୍ଶ୍ଵବର୍ତ୍ତୀ ଅଞ୍ଚଳରେ ରେଳ ପ୍ରଶାସନ ଏବଂ ପରିଚାଳନାକୁ ସୁଦୃଢ଼ କରିବା ଦିଗରେ ଏକ ଗୁରୁତ୍ଵପୂର୍ଣ୍ଣ ମାଇଲଖୁଣ୍ଟ । ଡିଭିଜନ କାର୍ଯ୍ୟକ୍ଷମ ହେବା ସହିତ ସମସ୍ତ ନିର୍ଦ୍ଧାରିତ ପ୍ରଶାସନିକ, ପରିଚାଳନାଗତ ଏବଂ ବୈଷୟିକ କାର୍ଯ୍ୟଗୁଡ଼ିକୁ ନୂତନ ଡିଭିଜନାଲ୍ ବ୍ୟବସ୍ଥା ଦ୍ୱାରା ବିଧିବଦ୍ଧ ଭାବରେ ଗ୍ରହଣ କରାଯାଇଛି। ଟ୍ରେନ୍ କଣ୍ଟ୍ରୋଲ୍ ଅଫିସ୍, କଣ୍ଟ୍ରୋଲ୍ ବୋର୍ଡ ଏବଂ ଆନୁଷଙ୍ଗିକ ପରିଗଳନା ତଦାରଖ ବ୍ୟବସ୍ଥା ଗୁଡ଼ିକ କାର୍ଯ୍ୟକ୍ଷମ ହୋଇଛି, ଯାହା ଡିଭିଜନର ଅଧିକାର କ୍ଷେତ୍ର ମଧ୍ୟରେ ଟ୍ରେନ୍ ଚଳାଚଳର ସ୍ଵାଧୀନ ନିୟନ୍ତ୍ରଣ ଏବଂ ପରିଚାଳନା ସମ୍ଭବ ହୋଇପାରିବ। ମୂଳ ଡିଭିଜନ ଗୁଡ଼ିକରୁ ପରିଚାଳନାଗତ, ବୈଷୟିକ ଏବଂ ପ୍ରଶାସନିକ ଦାୟିତ୍ଵ ଗୁଡ଼ିକର ହସ୍ତାନ୍ତର ସୁରୁଖୁରୁରେ ସମ୍ପନ୍ନ ହୋଇଛି, ଯାହା ଟ୍ରେନ୍ ସେବାରେ ନିରବଚ୍ଛିନ୍ନତା ସୁନିଶ୍ଚିତ କରୁଛି।
ଏହି ଡିଭିଜନ୍ର ନେତୃତ୍ୱ ନେଉଛନ୍ତି ଅମିତାଭ ସିଂଘଲ, ଯିଏକି ୧୯୯୫ ବ୍ୟାଚର ଜଣେ ଇଣ୍ଡିଆନ୍ ରେଲୱେ ସର୍ଭିସ୍ ଅଫ୍ ଇଲେକ୍ଟ୍ରିକାଲ୍ ଇଞ୍ଜିନିୟର୍ସ ଅଧିକାରୀ ଏବଂ ଏନ୍ଆଇଟି ତିରୁଚିରାପଲ୍ଲୀରୁ ଇଲେକ୍ଟ୍ରି କାଲ୍ ଆଣ୍ଡ ଇଲେକ୍ଟ୍ରୋନିକ୍ସ ଇଞ୍ଜିନିୟରିଂରେ ସ୍ନାତକ ହାସଲ କରିଛନ୍ତି। ତାଙ୍କର ଉଲ୍ଲେଖନୀୟ ରେଳ କ୍ୟାରିୟର ମଧ୍ୟରେ ସେ ବନ୍ଦେ ଭାରତ ଏକ୍ସପ୍ରେସ୍ (ଟ୍ରେନ୍-୧୮) ପ୍ରକଳ୍ପ ସମେତ ଅନେକ ପ୍ରମୁଖ ରୋଲିଂ ଷ୍ଟକ୍ ପଦକ୍ଷେପ ସହିତ ଜଡ଼ିତ ରହି ଛନ୍ତି। ଭାରତୀୟ ରେଳବାଇରେ ତାଙ୍କର ବୃଭିଗତ ଉତ୍କର୍ଷତା ଏବଂ ଅବଦାନ ପାଇଁ ସେ ବିଭିନ୍ନ ପୁରସ୍କାର ଏବଂ ସ୍ଵୀକୃତିରେ ସମ୍ମାନିତ ମଧ୍ୟ ହୋଇଛନ୍ତି। ସେ ସମଗ୍ର ଅଞ୍ଚଳରେ ପରିଚାଳନା, ଭିଭିଭୂମି ବିକାଶ ଏବଂ ସେବା ପ୍ରଦାନକୁ ସୁଦୃଢ଼ କରିବାରେ ଅଧୁକାରୀ ତଥା ରେଳ କର୍ମଚାରୀଙ୍କ ସହଯୋଗରେ ଏହି ନୂତନ ଡିଭିଜନର ନେତୃତ୍ୱ ନେବେ।
ରାୟଗଡ଼ାଡିଭିଜନର ପ୍ରତିଷ୍ଠା ରେଳ ପ୍ରଶାସନକୁ ଫିଲ୍ମ ୟୁନିଟ୍ ଏବଂ ଅପରେସନାଲ୍ ସେଣ୍ଟରଗୁଡ଼ିକର ଅଧୁକ ନିକଟତର କରିଛି, ଯାହା ଦ୍ରୁତ ନିଷ୍ପଭି ଗ୍ରହଣ, ଟ୍ରେନ୍ ଚଳାଚଳର ଉନ୍ନତ ତଦାରଖ, ଉନ୍ନତ ସମ୍ପତ୍ତି ପରିଚାଳନା ଏବଂ ରାଜ୍ୟ ସରକାରୀ ସଂସ୍ଥା, ଶିଳ୍ପ ଏବଂ ଅନ୍ୟାନ୍ୟ ଅଂଶୀଦାର (ଷ୍ଟେକହୋଲ୍ଡର) ମାନଙ୍କ ସହିତ ଅଧିକ ପ୍ରଭାବଶାଳୀ ସମନ୍ଵୟକୁ ସହଜ କରିବ। ଦେଶର ଏକ ଗୁରୁତ୍ୱପୂର୍ଣ ଖଣିଜ, ଔଦ୍ୟୋଗିକ ଏବଂ ଆଦିବାସୀ ବହୁଳ ଅଞ୍ଚଳରେ ରଣନୈତିକ ଭାବେ ଅବସ୍ଥିତ ଥିବା ଏହି ଡିଭିଜନ୍ ଏହାର ଅଧିକାର କ୍ଷେତ୍ରରେ ମାଲବାହୀ ପରିବହନକୁ ସୁଦୃଢ଼ କରିବା, ଯୋଗାଯୋଗରେ ଉନ୍ନତି ଆଣିବା ଏବଂ ରେଳ ଭିଭିଭୂମି ପ୍ରକଳ୍ପଗୁଡ଼ିକର କାର୍ଯ୍ୟକାରିତାକୁ ତ୍ୱରାନ୍ଵିତ କରିବାରେ ଏକ ପ୍ରମୁଖ ଭୂମିକା ଗ୍ରହଣ କରିବ ବୋଲି ଆଶା କରାଯାଉଛି।
