ନୂଆଦିଲ୍ଲୀ :ବାରବାଡୋସରୁ ଦିଲ୍ଲୀ ଫେରିଥିବା ବିଶ୍ଵବିଜୟୀ ଭାରତୀୟ କ୍ରିକେଟ୍ ଟିମ୍ ଗୁରୁବାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଭେଟିଛନ୍ତି । ଏହାର ଭିଡ଼ିଓ ଏବେ ସାମ୍ନାକୁ ଆସିଛି । ଭିଡ଼ିଓରେ ଦେଖାଯାଉଛି କି ଅଧିନାୟକ ରୋହିତ ଶର୍ମା, ବ୍ୟାଟର ବିରାଟ କୋହଲୀ, ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟା, ସୂର୍ଯ୍ୟକୁମାର ଯାଦବ ଏବଂ ଋଷଭ ପନ୍ତଙ୍କ ସହ ୧୫ଖେଳାଳୀ ଏବଂ କୋଚ୍ ରାହୁଲ ଦ୍ରାବିଡ଼ ପିଏମ୍ ମୋଦୀଙ୍କ ସହ ତାଙ୍କ ବାସଭବନରେ ଭେଟିଛନ୍ତି ।
ଲୋକ କଲ୍ୟାଣ ମାର୍ଗରେ ଥିବା ତାଙ୍କ ବାସଭବନରେ ଏକ ଘଣ୍ଟା ଧରି ଚାଲିଥିବା ସାକ୍ଷାତରେ ପ୍ରଧାନମନ୍ତ୍ରୀ ମୋଦୀ ଭାରତୀୟ ଅଧିନାଯ଼କ ରୋହିତ ଶର୍ମା, ମୁଖ୍ଯ ପ୍ରଶିକ୍ଷକ ରାହୁଲ ଦ୍ରାବିଡ, ବିରାଟ କୋହଲି, ହାର୍ଦ୍ଦିକ ପାଣ୍ଡ୍ୟା ଏବଂ ଋଷଭ ପନ୍ତଙ୍କ ସହ କଥାବାର୍ତ୍ତା କରିଥିଲେ।
ନିଜ ବାସଭବନରେ ଭାରତୀୟ ଖେଳାଳିମାନଙ୍କୁ ଭେଟିବାର କିଛି ଘଣ୍ଟା ପରେ, ପ୍ରଧାନମନ୍ତ୍ରୀ ମୋଦୀ ‘ଏକ୍ସ “କୁ ଯାଇ କିଛି ଫଟୋ ସେଯ଼ାର କରିଥିଲେ ଏବଂ ଏହି ପୋଷ୍ଟରେ କ୍ୟାପ୍ସନ ଦେଇଥିଲେ,” ଆମ ଚମ୍ପିୟାନଙ୍କ ସହ ଏକ ଚମତ୍କାର ସାକ୍ଷାତ। ଏଲ.କେ.ଏମ.ରେ ବିଶ୍ୱକପ୍ ବିଜେତା ଦଳକୁ ଆତିଥ୍ଯ ପ୍ରଦାନ କରିଥିଲେ ଏବଂ ଟୁର୍ଣ୍ଣାମେଣ୍ଟ ମାଧ୍ଯମରେ ସେମାନଙ୍କ ଅଭିଜ୍ଞତା ଉପରେ ଏକ ସ୍ମରଣୀଯ଼ ବାର୍ତ୍ତାଳାପ କରିଥିଲେ।