ପୁରୀ :ଆରମ୍ଭ ହୋଇଛି ସୁନାବେଶ । ମହଣ ମହଣ ସୁନାରେ ସଜେଇ ହୋଇଛନ୍ତି ତିନି ଠାକୁର । ଭକ୍ତଙ୍କୁ ଦେଉଛନ୍ତି ଦର୍ଶନ , ଏହି ଦୁର୍ଲ୍ଲଭ ବେଶ ଦେଖି ଭକ୍ତ ଆଖିରୁ ଗଡୁଛି ଲୋତକ । ଆଜି ବଡଦାଣ୍ଡରେ ଭକ୍ତ ଓ ଭଗବାନଙ୍କ ଅପୂର୍ବ ମିଳନ ହୋଇଛି ।
ପୁରୀ ବଡଦାଣ୍ଡ ଉଛୁଳିଛି ଭକ୍ତର ଭାବାବେଗ ସହିତ ।ସେଥିପାଇଁ ଆଜି ରଥ ଉପରେ ସ୍ବତନ୍ତ୍ର ନୀତିକାନ୍ତି କରାଯାଉଛି। ପୂର୍ବ ନିର୍ଦ୍ଧାରିତ ସମୟ ଅନୁସାରେ ଆଜି ଅପରାହ୍ନ ପାଞ୍ଚଟାରେ ଆରମ୍ଭ ହୋଛି ସୁନାବେଶ। ଏହି ବେଶକୁ ଭକ୍ତମାନେ ରାତି ଦଶଟା ପର୍ଯ୍ୟନ୍ତ ଦର୍ଶନ କରିପାରିବେ।
ସେଥିପାଇଁ ପୋଲିସ ପ୍ରଶାସନ ତରଫରୁ ମଧ୍ୟ ସ୍ବତନ୍ତ୍ର ବ୍ୟବସ୍ଥା କରାଯାଇଛି।ଚଳିତ ବର୍ଷ ବଢିନାହିଁ ସୁନାବେଶ ଦର୍ଶନ ସମୟ । ଏନେଇ ଶ୍ରୀମନ୍ଦିର ମୁଖ୍ୟ ପ୍ରଶାସକ ଅରବିନ୍ଦ ପାଢୀଙ୍କ ପକ୍ଷରୁ ସୂଚନା ଦେଇଥିଲେ । ଯେଉଁ ସମୟ ନିର୍ଦ୍ଦଣ୍ଟ ହୋଇଛି, ସେତିକି ସମୟରେ ହିଁ ମହାପ୍ରଭୁଙ୍କ ଦର୍ଶନ ମିଳିବ ।
ରାତି ୧୧ଟାରେ ସୁନାବେଶ ଦର୍ଶନ ବନ୍ଦ ହେବ ।ଆଜି ତିନିଠାକୁର ସୁନାର କିରଟୀ, ରତ୍ନ ଖଚିତ ମାଳ, ତାବିଜ ମାଳି, ହରଡାମାଳି, କଦମ୍ବା ମାଳି, ସ୍ବର୍ଣ୍ଣ ହସ୍ତ ପାଦ ସହିତ ବିଭିନ୍ନ ସୁବର୍ଣ୍ଣ ଆଭୁଷଣ ସହିତ ଭକ୍ତଙ୍କୁ ଦର୍ଶନ ଦେଉଛନ୍ତି।
ସମୀର ରଞ୍ଜନ ନାୟକଙ୍କ ରିପୋର୍ଟ