ଗଞ୍ଜାମ : ଗଞ୍ଜାମ ଜିଲ୍ଲାର ହିଞ୍ଜିଳିକାଟୁରେ ଏହି ଘଟଣା ଘଟିଛି। ସକାଳେ ଏକ ବସ୍ କୁ ଧକ୍କା ଦେବା ପରେ ଏକ ଟ୍ୟାଙ୍କର ରାସ୍ତା ପାର୍ଶ୍ୱରେ ଥିବା ଏକ ଚା ଷ୍ଟଲ୍ ଉପରେ ଓଲଟି ପଡ଼ିଥିଲା। ଏହି ଘଟଣାରେ ପାଞ୍ଚ ଜଣଙ୍କର ମୃତ୍ୟୁ ଘଟିଥିବା ବେଳେ ୨୦ ଜଣ ଆହତ ହୋଇଛନ୍ତି। ଖବର ପାଇ ପୋଲିସ ଓ ଅଗ୍ନିଶମ ବାହିନୀ ଘଟଣା ସ୍ଥଳରେ ପହଞ୍ଚିଥିଲେ। ଆହତମାନଙ୍କୁ ଏମ୍.କେ.ସି.ଜି. ମେଡ଼ିକାଲ କଲେଜ ଓ ଡାକ୍ତରଖାନାରେ ଭର୍ତ୍ତି କରାଯାଇଛି। ଅନେକଙ୍କ ଅବସ୍ଥା ଗୁରୁତର ରହିଛି।
ଖବରରୁପ୍ରକାଶ ଯେ ହିଞ୍ଜିଲି ନିକଟସ୍ଥ ସମରଝୋଲା ଠାରେ ଜାତୀୟ ରାଜପଥ ୫୯ରେ ଏହି ଦୁର୍ଘଟଣା ଘଟିଥିବା ପୋଲିସ କହିଛି। ସେ କହିଛନ୍ତି ଯେ ବସ୍ ଭବାନୀପାଟଣାରୁ ବ୍ରହ୍ମପୁର ଯାଉଥିବା ବେଳେ ଟ୍ୟାଙ୍କରଟି ଅସ୍କା ଆଡ଼କୁ ଯାଉଥିଲା। ବସ୍ ରେ ଥିବା ଜଣେ ବ୍ଯକ୍ତିଙ୍କର ମୃତ୍ୟୁ ଘଟିଥିବା ବେଳେ ଚା ‘ଦୋକାନରେ ଥିବା ଅନ୍ଯ ତିନିଜଣଙ୍କର ମଧ୍ଯ ମୃତ୍ୟୁ ଘଟିଛି ବୋଲି ପୋଲିସ କହିଛି। ଆହତମାନଙ୍କୁ ଏମ୍.କେ.ସି.ଜି. ମେଡ଼ିକାଲ କଲେଜ ଓ ଡାକ୍ତରଖାନାରେ ଭର୍ତ୍ତି କରାଯାଇଛି। ଦୁଇ ଜଣଙ୍କ ଅବସ୍ଥା ଗୁରୁତର ଥିବା ସେ କହିଛନ୍ତି।
ପୋଲିସ ଅଧୀକ୍ଷକ ଜଗମୋହନ ମୀନା କହିଛନ୍ତି, “ଏହି ଘଟଣାରେ ମୋଟ ପାଞ୍ଚ ଜଣଙ୍କର ମୃତ୍ୟୁ ଘଟିଛି। “ମୃତକଙ୍କ ପରିଚୟ ଏପର୍ଯ୍ଯନ୍ତ ମିଳିପାରିନାହିଁ। ପୋଲିସ ଏବଂ ଅଗ୍ନିଶମ ବାହିନୀ ଦଳ ରାଜପଥରୁ ଯାନବାହନଗୁଡ଼ିକୁ ବାହାର କରିଛନ୍ତି ବୋଲି ଅଧିକାରୀଜଣକ କହିଛନ୍ତି।
ଇତିମଧ୍ୟରେ ଘଟଣା ଉପରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଦୁଃଖ ପ୍ରକାଶ କରିବା ସହିତ ମୃତକଙ୍କ ପରିବାରକୁ ୨ଲକ୍ଷ ଓ ଆହତଙ୍କୁ ୧ଲକ୍ଷ ଟଙ୍କାର ସହାୟତା ଘୋଷଣା କରିଛନ୍ତି