ମୟୁରଭଞ୍ଜ( ରିପୋର୍ଟ – ଜିତେନ୍ଦ୍ର ରାଜ ) : ଚଳଚ୍ଚିତ୍ର ଜଗତର ଏକ ପ୍ରମୁଖ ଭୂମିକା ନିଭାଇ ଥାଏ ସିନେମା ହଲ୍ । ସିନେମା ହଲ ଗୁଡିକ ଦର୍ଶକଙ୍କ ମନୋରଞ୍ଜନର ଏକ ମାଧ୍ୟମ ପାଲଟିଥିବା ବେଳେ କରୋନା ମହାମାରୀ ପରେ ରାଜ୍ୟର ଅନେକ ସହର ରେ ବନ୍ଦ ହୋଇଯାଇଛି ଅନେକ ସିନେମା ହଲ । ଏଥିରୁ ବାଦ ପଡ଼ିନାହିଁ ରାଜ୍ୟର ପୁରାତନ ସିନେମା ହଲ ମଧ୍ୟରେ ଅନ୍ୟତମ ତଥା ଐତିହାସିକ କାଠ ନିର୍ମିତ ସିନେମା ହଲ କରଞ୍ଜିଆ ରେ ୧୯୫୭ ସେପ୍ଟେମ୍ବର ୧୫ ରୁ ଆରମ୍ଭ ହୋଇଥିଲା ଏହି କାଠ ନିର୍ମିତ ସିନେମା ହଲ ରେ ପ୍ରଥମ ସିନେମା ଭାବେ ଅଭିନେତା ସାହୁ ମୋଦକ ଓ ଅଭିନେତ୍ରୀ ପଦ୍ମିନୀଙ୍କ ଅଭିନୀତ ଶିବ ଭକ୍ତ ସିନେମା ପ୍ରଦର୍ଶିତ ହୋଇଥିଲା।
କରଞ୍ଜିଆ ର ତତ୍କାଳୀନ ୩ ଜଣ ଯୁବ ବ୍ୟବସାୟୀ ଚିରଞ୍ଜିଲାଲ ଅଗ୍ରୱାଲ, ଗୌରୀଶଙ୍କର ଅଗ୍ରୱାଲ, ଯୁଗୋଳ କିଶୋର ଅଗ୍ରୱାଲ ମିଳିତ ଭାବେ ଏହା ପ୍ରତିଷ୍ଠା କରିଥିଲେ କିଛି ବର୍ଷ ସିନେମା ଚାଲିବା ପରେ ଗୌରୀଶଙ୍କର ଅଗ୍ରୱାଲ ଓ ଯୁଗୋଳ କିଶୋର ଅଗ୍ରୱାଲ ତାଙ୍କ ଅଂଶଧନ ଫେରସ୍ତ ନେଇଯାଇଥିଲେ ପୁଣି ଏକା ଚିରଞ୍ଜିଲାଲ ଅଗ୍ରୱାଲ ଙ୍କ ମାଲିକାନା ରେ କିଛିବର୍ଷ ସିନେମା ଚାଲିବା ପରେ ଚିରଞ୍ଜିଲାଲ ଅଗ୍ରୱାଲ ସମସ୍ତ ମେସିନ କୁ ଶ୍ରୀକୃଷ୍ଣ ସାହୁ ଙ୍କୁ ବିକ୍ରୟ କରିଦେଇ କେନ୍ଦୁଝର ଚାଲିଯାଇଥିଲେ ଶ୍ରୀକୃଷ୍ଣ ସାହୁ କରଞ୍ଜିଆ ସାହାରପଡା ରାସ୍ତା କଡ଼ ରେ ଏକ ଗୃହ ନିର୍ମାଣ କରାଇ କରଞ୍ଜିଆ ର ଶ୍ୟାମ ସୁନ୍ଦର ପରିଜା ଙ୍କୁ ମ୍ୟାନେଜର ଭାବେ ରଖି ୧୯୮୨ ମାର୍ଚ୍ଚ 9 ତାରିଖ ରେ ଏହି ସିନେମା ହଲ କୁ ଆରମ୍ଭ କରିଥିଲେ।
ଶ୍ରୀକୃଷ୍ଣ ସିନେମା ମଧ୍ୟ ଦୀର୍ଘ ବର୍ଷ ହେବ ବନ୍ଦ ପଡିରହିବା ପରେ ଏହାର ମାଲିକ ଏହାକୁ ବିକ୍ରୟ କରିଦେଇଛନ୍ତି ମୟୁରଭଞ୍ଜ ଜିଲ୍ଲାର ପାଞ୍ଚପିଢ଼ ଉପଖଣ୍ଡ ସମେତ ପଡୋଶୀ କେନ୍ଦୁଝର ଜିଲ୍ଲାର ସାହାରପଡା, ପାଟଣା, ତୁରୁମୁଙ୍ଗା, ଅଞ୍ଚଳ ର ଲୋକଙ୍କ ଏକମାତ୍ର ମନୋରଞ୍ଜନ ର ଏକମାତ୍ର ମାଧ୍ୟମ ଥିଲା ଏହି ସିନେମାହଲ । ବିଭିନ୍ନ ପୂଜା ପାର୍ବଣରେ ଏହି ସିନେମା ହଲ ସମୁଖରେ ଦର୍ଶକଙ୍କ ଖଚାଖଚ ଭିଡ଼ ଦେଖିବାକୁ ମିଳୁଥିଲା । ସିନେମା ହଲରେ କାମ କରୁଥିବା କର୍ମଚାରୀ ମଧ୍ୟ ଭଲ ଦି ପଇସା ରୋଜଗାର କରୁଥିଲେ । ହେଲେ ବହୁଳ ଭାବେ ମୋବଇଲର ବ୍ୟବହାର ଡିଜିଟାଲ ମିଡ଼ିଆ ଯୋଗୁ ସିନେମା ହଲକୁ ଦର୍ଶକଙ୍କ ଆଗ୍ରହ କମିଛି ।
କିଛି ବର୍ଷ ପୂର୍ବରୁ କରଞ୍ଜିଆ ର ପ୍ରତିଷ୍ଠିତ ବ୍ୟବସାୟୀ ବିଷ୍ଣୁ କୁମାର ଅଗ୍ରୱାଲ ଶକ୍ତି ମନ୍ଦିର ସମ୍ମୁଖରେ ଏକ ସିନେମା ହଲ ତିଆରି କରିଥିଲେ କିନ୍ତୁ କୌଣସି କାରଣ ରୁ ଏହାକୁ ଅନୁମତି ମିଳିପାରିଲା ନାହିଁ ତେଣୁ ତାହା ମଧ୍ୟ ଆରମ୍ଭ ହୋଇପାରିଲା ନାହିଁ ରାଜ୍ୟର ସର୍ବପୁରାତନ ସିନେମା ହଲ ମଧ୍ୟରେ ଥିବା କରଞ୍ଜିଆ ର ସିନେମା ହଲ ଟି ଏବେ କେବଳ ଇତିହାସ ପୃଷ୍ଠା ରେ ସ୍ମୃତି ରେ ହିଁ ରହିବ।