ନୂଆଦିଲ୍ଲୀ : ରୁଷିଆ ଏବଂ ୟୁକ୍ରେନ ମଧ୍ୟରେ ଯୁଦ୍ଧ ଏପର୍ଯ୍ୟନ୍ତ ଶେଷ ହୋଇନାହିଁ, କିନ୍ତୁ ଯେଉଁଭଳି ଭାବରେ ଆଲୋଚନା ଚାଲିଛି ତାହା ଯୁଦ୍ଧରେ ଶାନ୍ତି ଆଣିପାରେ | କୁହାଯାଉଛି ଯେ ପ୍ରଧାନମନ୍ତ୍ରୀ ମୋଦୀ ମଧ୍ୟ ଏଥିରେ କୌଣସି ପ୍ରୟାସ ଛାଡ଼ୁନାହାନ୍ତି।
ନିକଟରେ ଜାତୀୟ ସୁରକ୍ଷା ପରାମର୍ଶଦାତା ଅଜିତ ଡୋଭାଲଙ୍କ ମସ୍କୋ ଗସ୍ତ ସମୟରେ ରାଷ୍ଟ୍ରପତି ଭ୍ଲାଦିମିର ପୁଟିନଙ୍କୁ ଭେଟିବା ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବେ ନ୍ୟୁୱର୍କରେ ଯ଼ୁକ୍ରେନ ରାଷ୍ଟ୍ରପତି ଭୋଲୋଦିମିର ଜେଲେନସ୍କିଙ୍କୁ ଭେଟିଛନ୍ତି। ଚଳିତ ମାସରେ ଏହା ହେଉଛି ଦ୍ୱିତୀୟ ବୈଠକ।
ଶୁଣିବାକୁ ମିଳୁଛି..
ଗଣମାଧ୍ୟମ ରିପୋର୍ଟ ଅନୁଯାୟୀ, ଯୁଦ୍ଧକୁ ସମାପ୍ତ କରିବାକୁ ଚେଷ୍ଟା କରିବା ପାଇଁ ଦୁଇ ଦେଶର ନେତାଙ୍କ ମଧ୍ୟରେ ଆଲୋଚନା ହୋଇଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ତାଙ୍କ ତିନି ଦିନିଆ ଆମେରିକା ଗସ୍ତର ଶେଷ ଦିନରେ ନ୍ୟୁୟର୍କରେ ୟୁକ୍ରେନ୍ ରାଷ୍ଟ୍ରପତିଙ୍କୁ ଭେଟିଛନ୍ତି। ଏଭଳି ସ୍ଥିତିରେ, ଏହା ଅସ୍ୱୀକାର କରାଯାଇପାରିବ ନାହିଁ ଯେ ଖୁବ୍ ଶୀଘ୍ର ବିଶ୍ୱକୁ ଯୁଦ୍ଧ ଶେଷ ହେବାର ଖୁସି ଖବର ମିଳିବ। ଅଜିତ ଡୋଭାଲଙ୍କ ମସ୍କୋ ଗସ୍ତରେ ରାଷ୍ଟ୍ରପତି ଭ୍ଲାଦିମିର ପୁଟିନ ମଧ୍ୟ ପୁଣିଥରେ ପ୍ରଧାନମନ୍ତ୍ରୀ ମୋଦୀଙ୍କୁ ଭେଟିବାକୁ ଇଚ୍ଛା ପ୍ରକାଶ କରିଥିଲେ।
ଗତ ମାସରେ ହିଁ ସାକ୍ଷାତ ହୋଇଥିଲା ଦୁଇ ନେତାଙ୍କ ମଧ୍ୟରେ
ଗତ ମାସରେ ଯ଼ୁକ୍ରେନ ଗସ୍ତ କରିବା ପରେ ଭାରତୀୟ ପ୍ରଧାନମନ୍ତ୍ରୀ ଏବଂ ଯ଼ୁକ୍ରେନ ରାଷ୍ଟ୍ରପତିଙ୍କ ମଧ୍ଯରେ ଏହା ହେଉଛି ଦ୍ୱିତୀୟ ବୈଠକ। ଦୁଇ ନେତା ଗତ ଚାରି ମାସ ମଧ୍ଯରେ ତୃତୀୟ ଥର ପାଇଁ ଭେଟିଛନ୍ତି। ଯଦିଓ ମିଳିତ ଜାତିସଂଘର ସାଧାରଣ ସଭା ପାଇଁ ନ୍ୟୁୱର୍କରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଜେଲେନସ୍କିଙ୍କ ସହ ବୈଠକ ପୂର୍ବ ନିର୍ଦ୍ଧାରିତ ନଥିଲା, ପ୍ରଧାନମନ୍ତ୍ରୀ ମୋଦୀ ଯ଼ୁକ୍ରେନର ରାଷ୍ଟ୍ରପତିଙ୍କ ଅନୁରୋଧକୁ ପ୍ରତ୍ୟାଖାନ କରିପାରିନଥିଲେ। ରୁଷ-ଯ଼ୁକ୍ରେନୀୟ ଯୁଦ୍ଧ ମଧ୍ଯରେ ଉଭୟ ପୁଟିନ ଏବଂ ଜେଲେନସ୍କି ଭାରତକୁ ଏକ ଗୁରୁତ୍ୱପୂର୍ଣ୍ଣ ଅଂଶୀଦାର ଭାବେ ଦେଖୁଛନ୍ତି।