ସୁବର୍ଣ୍ଣପୁର (ରିପୋର୍ଟ – ଶାନ୍ତନୁ କୁମାର କର୍ଣ୍ଣ ):ନବରାତ୍ରିର ତୃତୀୟ ଦିବସରେ ଆଜି ମାଁ ଭଗବତୀଙ୍କ ଚନ୍ଦ୍ରଘଣ୍ଟା ବେଶ ଏବଂ ମାଁ ସୁରେଶ୍ୱରୀଙ୍କ ତ୍ରିପୁରା ସୁନ୍ଦରୀ ବା ଷୋଡଶୀ ବେଶ ସୁବର୍ଣ୍ଣପୁର – ଅଷ୍ଟ ଚଣ୍ଡୀ ଙ୍କ ପୀଠ ସୁବର୍ଣ୍ଣପୁର ରେ ଏବେ ସମସ୍ତ ଦେବୀପୀଠରେ ସ୍ଵତନ୍ତ୍ର ରୀତିନୀତି ଅନୁଯାୟୀ ପୂଜା ହେବାସହ ଏବେ ବିଭିନ୍ନ ବେଶରେ ଦର୍ଶନ ଦେଉଛନ୍ତି ।ସେହି କ୍ରମରେ ଆଜି ମାଁ ଭଗବତୀ ଚନ୍ଦ୍ରଘଣ୍ଟା ବେଶରେ ଭକ୍ତମାନଙ୍କୁ ଦର୍ଶନ ଦେଉଛନ୍ତି। ଚନ୍ଦ୍ରଘଣ୍ଟା ହେଉଛନ୍ତି ମା’ଦୁର୍ଗାଙ୍କ ତୃତୀୟ ରୂପ l ସେଥିପାଇଁ ନବରାତ୍ର ପୂଜାର ତୃତୀୟ ଦିବସରେ ମା’ଚନ୍ଦ୍ରଘଣ୍ଟାକୁ ପୂଜାକରାଯାଏ।
ସେଥିପାଇଁ ମା’ଭଗବତୀ ଆଜି ନବରାତ୍ରର ତୃତୀୟ ଦିବସ ଅବସରରେ ଚନ୍ଦ୍ରଘଣ୍ଟା ବେଶ ଧାରଣ କରିଛନ୍ତି। ସେହିଭଳି ଇଷ୍ଟଦେବୀ ମାଁ ସୁରେଶ୍ୱରୀ ନବରାତ୍ରି ଅବସରରେ ଦଶ ମହାବିଦ୍ୟା ଅନୁସାରେ ବେଶ ଧାରଣ କରିଥାନ୍ତି।ସେହି ଅନୁଯାୟୀ ତୃତୀୟ ଦିବସରେ ରହିଥିବା ଛିନ୍ନମସ୍ତା ବେଶ କିନ୍ତୁ ଧାରଣ କରିନଥାନ୍ତି। ତାପରର ରହିଥିବା ବେଶ ଷୋଡ଼ଶୀ ବା ତ୍ରିପୁର ସୁନ୍ଦରୀ ବେଶ ଧାରଣ କରି ଦର୍ଶନ ଦେଇଥାନ୍ତି।ତେଣୁ ମାତା ଆଜି ନବରାତ୍ରିର ତୃତୀୟ ଦିବସରେ ଷୋଡ଼ଶୀ ବେଶରେ ଦର୍ଶନ ଦେଉଛନ୍ତି। ଏହି ସ୍ୱରୂପରେ ମା’ଶାନ୍ତ ମୁଦ୍ରାରେ ଶୋଇଥିବା ଦେବ ଦେବ ମହାଦେବଙ୍କ ଉପରେ ସ୍ଥିତପଦ୍ମ ଆସନରେ ବିରାଜିତ।ଦେବୀଙ୍କର ଏହି ସ୍ୱରୂପରେ ଅତ୍ୟନ୍ତ ଶାନ୍ତି ଦାୟକ ଓ କଲ୍ୟାଣକାରୀ ହୋଇଥାନ୍ତି।ମା’ଙ୍କ ସମସ୍ତ ବେଶ ମଧ୍ୟରୁ ଦଶମହାବିଦ୍ୟା ର ଚତୁର୍ଥ ବେଶ ତନ୍ତ୍ର ,ମନ୍ତ୍ର,ଯନ୍ତ୍ର ସାଧକ ତଥା ସାଧାରଣ ଶ୍ରଦ୍ଧାଳୁ ବୃନ୍ଦଙ୍କ ପାଇଁ ବେଶ୍ ସହାୟକ ରହିଥାଏ। ପୌରାଣିକ କଥା ଅନୁଯାୟୀ ଏକଦା ମାତା ପାର୍ବତୀ ଭଗବାନ ଶିବଙ୍କୁ ପଚାରିଥିଲେ ‘ହେ ଭଗବାନ’ କାହାକୁ ପୂଜାର୍ଚ୍ଚନା କଲେ ଜୀବନରେ ଆଧି-ବ୍ୟାଧି, ଶୋକ-ସନ୍ତାପ ଏବଂ ଏପରିକି ଗର୍ଭବାସ ଓ ମରଣ ଯନ୍ତ୍ରଣାରୁ ମୁକ୍ତିଲାଭ ହୋଇପାରିବ।
ସେତେବେଳେ ଦେଵ ଦେବ ମହାଦେବ ମାତା ପାର୍ବତୀଙ୍କୁ ଅବଗତ କରାଇଥିଲେ ଯେଉଁମାନେଶ୍ରଦ୍ଧାପୂର୍ବକ ମା’ଷୋଡ଼ଶୀଙ୍କ ପୂଜାର୍ଚ୍ଚନା କରିବେ ସେହିମାନେ ସମସ୍ତ ପ୍ରକାରର ଶୋକ-ସନ୍ତାପ ,ଆଦି-ବ୍ୟାଧିରୁ ମୁକ୍ତିଲାଭ କରିବା କଥା ରହିଛି।ଦଶମହାବିଦ୍ୟାର ତୃତୀୟସ୍ୱରୂପ ମାତା ଷୋଡ଼ଶୀ। ମାଁ ସୁରେଶ୍ୱରୀ ଦଶମହାବିଦ୍ୟାରେ ଏହି ନବରାତ୍ରି ସମୟରେ ଦର୍ଶନ ଦେଇଥାନ୍ତି। ତେଣୁ ମାତା ଆଜି ନବରାତ୍ରିର ତୃତୀୟ ଦିବସରେ ଷୋଡ଼ଶୀ ବେଶରେ ଦର୍ଶନ ଦେଉଛନ୍ତି। ଦେବୀଙ୍କର ଏହି ସ୍ୱରୂପ ଅତ୍ୟନ୍ତ ଶାନ୍ତିଦାୟକ ଓ କଲ୍ୟାଣକାରୀ ହୋଇଥାନ୍ତି।ସେଥିପାଇଁ ଉକ୍ତଦିନ ମାଆଙ୍କ ପାଖରେ ଶ୍ରଦ୍ଧାଳୁ ବୃନ୍ଦ ନିଜ ନିଜର ମନୋବାଂଛିତ ଫଳ ଓ ମୋକ୍ଷ ପ୍ରାପ୍ତି ସକାଶେ ବିଶେଷ ପୂଜାର୍ଚ୍ଚନା କରିବା ସକାଶେ ବ୍ୟଗ୍ରଥିବା ମନେହୁଏ।ରିପୋର୍ଟ -ଶାନ୍ତନୁ କୁମାର କର୍ଣ୍ଣ