ବିଭିନ୍ନ ଜିଲ୍ଲାକୁ ଗଲେ ଏନ୍‌ଡିଆରଏଫ ଟିମ୍, ଜାଣନ୍ତୁ କେଉଁ ଜିଲ୍ଲାକୁ ଗଲେ କେତେ

ଭୁବନେଶ୍ୱର (ରିପୋର୍ଟ – ସମୀର ରଞ୍ଜନ ନାୟକ ):ପଠାଯାଇଛି ଏନ୍‌ଡିଆରଏଫ ଟିମ୍ । କଟକ ମୁଣ୍ଡଳୀ ସ୍ଥିତ ଏନ୍‌ଡିଆରଏଫ ଥାର୍ଡ ବାଟାଲିୟନ ପରିସରରୁ ବିଭିନ୍ନ ଟିମ୍ ପ୍ରଭାବିତ ଜିଲ୍ଲା ମାନଙ୍କ ପାଇଁ ପଠାଯାଇଛି।ପ୍ରଥମ ପର୍ଯ୍ୟାୟରେ ପୁରୀକୁ ୧ଟି ଭଦ୍ରକକୁ ୨, ବାଲେଶ୍ଵର ୨, ଜଗତସିଂହପୁରକୁ ୨, କେନ୍ଦ୍ରାପଡ଼ାକୁ ୨, ମୟୁରଭଞ୍ଜକୁ ଗୋଟିଏ ମୋଟ ୧୦ ଟି ଏନ୍‌ଡିଆରଏଫ ଟିମ ଆନୁଷଙ୍ଗିକ ଉପକରଣ ସହ ପଠାଯାଇଛି। ବିଶେଷକରି ବାତ୍ୟା ପରେ ଗଛ, କାନ୍ଥ, ଆଦି କାଟିବା ପାଇଁ ବିଭିନ୍ନ ଅତ୍ୟାଧୁନିକ ମେସିନ ବ୍ୟବହାର କରିବେ ଟିମ। ପ୍ରଥମ ପର୍ଯ୍ୟାୟରେ ୧୦ଟି ଟିମ ଗସ୍ତ କରିଛି । ଆବଶ୍ୟକ ପଡ଼ିଲେ ଆହୁରି ଟିମ ମଧ୍ୟ ପ୍ରଭାବିତ ହେବାକୁ ଥିବା ଜିଲ୍ଲା ମାନଙ୍କୁ ପଠାଯିବ ବୋଲି ଏନ୍‌ଡିଆରଏଫ ଥାର୍ଡ ବାଟାଲିଅନ୍‌ ସେକେଣ୍ଡ ଇନ କମାଣ୍ଡଣ୍ଟ ବର୍ଦ୍ଧମାନ ମିଶ୍ର କହିଛନ୍ତି ।