ଅଦିତି କଲେଜରେ ନିଶା ମୁକ୍ତି ଭାରତ ଅଭିଯାନ କାର୍ଯ୍ୟକ୍ରମ

ସୁବର୍ଣ୍ଣପୁର (ରିପୋର୍ଟ – ଶାନ୍ତନୁ କୁମାର କର୍ଣ୍ଣ ): ସୁବର୍ଣ୍ଣପୁର ଜିଲ୍ଲା ବ୍ଲକ ଛକ ସ୍ଥିତ ଅଦିତି ଉଚ୍ଚ ବିଦ୍ୟାଳୟ ଠାରେ ଅଧ୍ୟକ୍ଷା ଶ୍ରୀମତୀ ଲିଖିତା ପଟ୍ଟନାୟକ ଙ୍କ ସଭାପତିତ୍ଵ ରେ ଛାତ୍ର ଛାତ୍ରୀ ଓ ଅଭିଭାବକଙ୍କୁ ନେଇ ନିଶା ମୁକ୍ତି ଭାରତ ଅଭିଯାନ ସଚେତନତା କାର୍ଯ୍ୟକ୍ରମ ଆୟୋଜନ କରାଯାଇ ଥିଲା। ଏଥିରେ ବିଦ୍ୟାଳୟର ଚେୟାରମ୍ୟାନ ଡ଼. ଜ୍ୟୋତିରଂଜନ ବହିଦାର ମୁଖ୍ୟ ଅତିଥି ଭାବରେ ଯୋଗଦେଇ ନିଶା ଦ୍ରବ୍ୟର କୁ ପ୍ରଭାଵ ବିଷୟରେ ଆଲୋଚନା କରି ଭାରତକୁ ନିଶା ମୁକ୍ତ କରିବା ପାଇଁ ଯୁବବର୍ଗ ଙ୍କୁ ଆହ୍ବାନ କରିଥିଲେ। ଅଧ୍ୟକ୍ଷା ଶ୍ରୀମତୀ ପଟ୍ଟନାୟକ ଛାତ୍ର ଛାତ୍ରୀ ମାନଙ୍କୁ ନିଶା ମୁକ୍ତ ସମାଜ ଗଠନ ବିଷୟରେ ଉଦବୋଧନ ଦେଇଥିଲେ।

ଉକ୍ତ କାର୍ଯ୍ୟକ୍ରମ ରେ ବିଦ୍ୟାଳୟ ର ଅଧ୍ୟାପିକା ଶ୍ରୀମତୀ ବନାନୀ ପୁଷ୍ପିତା ପାତ୍ର, ଲଭଲୀଶ୍ରୀ ମିଶ୍ର, ଅଧ୍ୟାପକ ଶ୍ରୀ ଆର୍ତ୍ତତ୍ରାଣ ଥନାପତି, ଶ୍ରୀ ସତ୍ୟନାରାୟଣ ପଣ୍ଡା, ଶ୍ରୀଯୁକ୍ତ ଚିନ୍ମୟନନ୍ଦ ପାତ୍ର, ଶ୍ରୀ ଗୋବିନ୍ଦ କର୍ମୀ, ଶ୍ରୀ ମୁନା ମହାକୁର ଆଦି ନିଶାମୁକ୍ତ ସମାଜ କିପରି ରାଷ୍ଟ୍ର ଗଠନ ରେ ସହାୟକ ହୋଇଥାଏ ଆଲୋକପାତ କରିଥିଲେ। ଅଭିଭାବକ ଶ୍ରୀଯୁକ୍ତ ସରୋଜ କୁମାର ପଣ୍ଡା ନିଶା ମୁକ୍ତ ଭାରତର ଆବଶ୍ୟକତା ଉପରେ ମତ ବ୍ୟକ୍ତ କରିଥିଲେ।ଉକ୍ତ ସଭା କୁ ଅଣ- ଶିକ୍ଷକ କର୍ମଚାରୀ ସୁନୀଲ କୁମାର ମିଶ୍ର ଓ ମୀନକେତନ କର୍ମୀ ଉପସ୍ଥିତ ରହି କାର୍ଯକ୍ରମ କୁ ସଫଳ କରିବାରେ ସହଯୋଗ କରିଥିଲେ।। ଶେଷରେ ଛାତ୍ର ଛାତ୍ରୀ ଏବଂ ଅଧ୍ୟକ୍ଷା ତଥା ସମସ୍ତ କର୍ମଚାରୀ ନିକଟସ୍ଥ ଝୁପୁଡି ପଡା ଅଞ୍ଚଳ କୁ ଯାଇ ଲୋକ ମାନଙ୍କୁ ରାଲି ମାଧ୍ୟମ ରେ ନିଶା ମୁକ୍ତ ଭାରତ ବିଷୟରେ ସଚେତନ କରିଥିଲେ।

Leave a Reply

Your email address will not be published. Required fields are marked *

error: Content is protected !!
Open chat
ଜୟ ଜଗନ୍ନାଥ 🙏🏻
ଶ୍ରୀକ୍ଷେତ୍ର ନ୍ୟୁଜକୁ ସ୍ୱାଗତ