ମୟୁରଭଞ୍ଜ (ଜିତେନ୍ଦ୍ର ରାଜ଼): କରଞ୍ଜିଆ ବ୍ଲକ ଅନ୍ତର୍ଗତ ରସମତଳା ସରକାରୀ ଉଚ୍ଚବିଦ୍ୟାଳୟ ର ସୁବର୍ଣ୍ଣ ଜୟନ୍ତୀ ଗତକାଲି ସାନ୍ଧ୍ୟରେ ଉଦଯାପିତ ହୋଇଯାଇଛି। ସୁବର୍ଣ୍ଣ ଜୟନ୍ତୀ ପାଳନ କମିଟି ସଭାପତି ତ୍ରିଲୋଚନ ସେଠୀ ଙ୍କ ସଭାପତିତ୍ୱ ଓ ଚନ୍ଦନ କୁମାର ପାଣିଗ୍ରାହୀ ଙ୍କ ମଞ୍ଚ ପରିଚାଳନା ରେ ଆୟୋଜିତ ଉଦଯାପନୀ କାର୍ଯ୍ୟକ୍ରମ ରେ ମୁଖ୍ୟଅତିଥି ରୂପେ ରାଜ୍ୟ ଜଙ୍ଗଲ ଓ ପରିବେଶ ଏବଂ ଶ୍ରମ, କର୍ମଚାରୀ ବୀମା ମନ୍ତ୍ରୀ ଇଂଜିନିଅର ଗଣେଶ ରାମସିଂ ଖୁଣ୍ଟିଆ ଯୋଗଦେଇ ଥିଲେ।
ସମ୍ମାନିତ ଅତିଥିରୂପେ କରଞ୍ଜିଆ ଗୋଷ୍ଠି ଉନ୍ନୟନ ଅଧିକାରୀ ପ୍ରଦ୍ୟୁମ୍ନକୁମାର ନାଏକ ,ସ୍ୱତନ୍ତ୍ର ଅତିଥି ରୂପେ କରଞ୍ଜିଆ ବନଖଣ୍ଡ ଅଧିକାରୀ ଶ୍ରୀକାନ୍ତ ନାଏକ, ମୁଖ୍ୟବକ୍ତା ଭାବେ ଶ୍ରୀଅରବିନ୍ଦ ଉଚ୍ଚତର ମାଧ୍ୟମିକ ବିଦ୍ୟାଳୟ ର ବରିଷ୍ଠ ଅଧ୍ୟାପକ ରାଜୀବନନ୍ଦ,ପ୍ରଧାନଶିକ୍ଷକ ତଥା ସୁବର୍ଣ୍ଣ ଜୟନ୍ତୀ ପାଳନ କମିଟି ସଂଗଠନ ସମ୍ପାଦକ ବିଜୟ କୁମାର ବେହେରା ମଂଚାସୀନ ଥିଲେ।ଆଶିଷ କୁମାର ମହାନ୍ତ ଧନ୍ୟବାଦ ଅର୍ପଣ କରିଥିଲେ। ସଭା କାର୍ଯ୍ୟକ୍ରମ ପରେ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା।