ଗୋନାସିକା ମହୋତ୍ସବ ଉପଲକ୍ଷେ ଆୟୋଜିତ କ୍ରିକେଟ ମ୍ୟାଚରେ ଜିଲ୍ଲାପାଳ ଏକାଦଶ ବିଜୟୀ

କେନ୍ଦୁଝର (ସୀତାରାମ ଦୀକ୍ଷିତ): ଗୋନାସିକା କେନ୍ଦୁଝର ମହୋତ୍ସବ-୨୦୨୪ର ସଫଳ ଓ ପରିବ୍ୟାପ୍ତ ଆୟୋଜନ ଲାଗି ଆୟୋଜିତ ବନ୍ଧୁତ୍ବପୂର୍ଣ କ୍ରିକେଟ ମ୍ୟାଚରେ ଜିଲ୍ଲାପାଳଙ୍କ ଏକାଦଶ ୯ ଉଇକେଟରେ ନାଗରିକ ଏକାଦଶଙ୍କୁ ପରାସ୍ତ କରି ବିଜୟୀ ହୋଇଛନ୍ତି ।ଧରଣୀଧର ସ୍ପୋର୍ଟସ କମ୍ପଲେକ୍ସ ଠାରେ ଆୟୋଜିତ ଏହି ମ୍ୟାଚରେ ନାଗରିକ ଏକାଦଶ ଟସ ଜିତି ପ୍ରଥମେ ବ୍ୟାଟିଂ କରିବାର ନିଷ୍ପତ୍ତି ନେଇ ନିର୍ଦ୍ଧାରିତ ଓଭରର ବହୁ ପୂର୍ବରୁ ମାତ୍ର ୨୫ ରନ କରି ଅଲଆଉଟ ହୋଇଯାଇଥିଲା ।

ଜବାବରେ ଜିଲ୍ଲାପାଳଙ୍କ ଏକାଦଶ ମାତ୍ର ଏକ ଉଇକେଟ ହରାଇ ବିଜୟୀ ରନ ସଂଗ୍ରହ କରିନେଇଥିଲା । ବିଜୟୀ ଦଳ ପକ୍ଷରୁ କେନ୍ଦୁଝର ଉପଜିଲ୍ଲାପାଳ ଉମାଶଙ୍କର ଦଳାଇ ଉଭୟ ବ୍ୟାଟିଂ ଓ ବୋଲିଂରେ ଅଲରାଉଣ୍ଡ ପ୍ରଦର୍ଶନ କରିଥିଲେ । ସୂଚନାଯୋଗ୍ୟ ଜିଲ୍ଲାପାଳ ଏକାଦଶର ଅଧିନାୟକ ଭାବେ ଅତିରିକ୍ତ ଜିଲ୍ଲାପାଳ ମନ୍ଦରଧର ମହାଳିକ ଓ ନାଗରିକ ଏକାଦଶ ଦଳର ଅଧିନାୟକ ଭାବେ ଜିଲ୍ଲା କ୍ରୀଡ଼ା ସଂଘର ସମ୍ପାଦକ ଜନାର୍ଦନ ଦାଶ ଦାୟିତ୍ୱ ନେଇଥିଲେ ।ପରିଶେଷରେ ଉଭୟ ବିଜେତା ଓ ଉପବିଜେତା ଦଳଙ୍କୁ ପୁରସ୍କୃତ କରାଯାଇଥିଲା ।

Leave a Reply

Your email address will not be published. Required fields are marked *

error: Content is protected !!
Open chat
ଜୟ ଜଗନ୍ନାଥ 🙏🏻
ଶ୍ରୀକ୍ଷେତ୍ର ନ୍ୟୁଜକୁ ସ୍ୱାଗତ