ପରକୀୟା ପ୍ରୀତିର ପ୍ରତିଶୋଧ, ପତ୍ନୀର ପ୍ରେମିକକୁ ରାସ୍ତାରୁ ହଟାଇ ଦେଲା ସ୍ବାମୀ

କରଞ୍ଜିଆ ( ଜିତେନ୍ଦ୍ର ରାଜ) : ସ୍ୱାମୀ ସହିପାରିଲେନି ପତ୍ନୀର ପରକୀୟା ପ୍ରୀତି । ପ୍ରତିଶୋଧ ନିଆଁରେ ଜଳି ଶେଷରେ ସନ୍ଦେହରେ ଯୁବକଙ୍କୁ ରାସ୍ତାରୁ ହଟାଇ ଦେଲେ ସ୍ବାମୀ । ଗତ ସୋମବାର ମୟୂରଭଞ୍ଜ ଜିଲ୍ଲା ତିରିଂ ଥାନା ଧୋବାଧୋବଣୀ ଗାଁରୁ ଯୁବକଙ୍କ ମୃତଦେହ ମିଳିବା ଘଟଣା ଉପରୁ ପରଦା ହଟାଇଛି ପୋଲିସ । ପରକୀୟା ପ୍ରୀତି ସନ୍ଦେହରୁ ଯୁବକଙ୍କୁ ନିର୍ମମ ଭାବେ ହତ୍ୟା କରାଯାଇଥିଲା । ଗତ ସୋମବାର ମୟୂରଭଞ୍ଜ ଜିଲ୍ଲା ତିରିଂ ଥାନା ଅନ୍ତର୍ଗତ ଧୋବାଧୋବଣୀ ଗାଁର ମାଞ୍ଜୁରା ଶୁଣ୍ଡିଙ୍କ ରକ୍ତାକ୍ତ ମୃତଦେହ ପଡିଥିଲା । ସ୍ବାମୀଙ୍କୁ ରକ୍ତାକ୍ତ ଅବସ୍ଥା ଦେଖି ପତ୍ନୀ ମାଳତୀ ଶୁଣ୍ଡି ପ୍ରଥମେ ତିରିଂ ବ୍ଲକ ଚେୟାରମ୍ୟାନକୁ ଖବର ଦେଇ ତାଙ୍କ ସହାୟତାରେ ତୁରନ୍ତ ରାଇରଙ୍ଗପୁର ମେଡିକାଲ ଚିକିତ୍ସା ପାଇଁ ଆଣିଥିଲେ । ହେଲେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଏନେଇ ତିରିଂ ଥାନାରେ ଏତଲା ଦେଇଥିଲେ ପତ୍ନୀ ।

ଏତଲାକୁ ଆଧାର କରି ସାଇଣ୍ଟିଫିକ ଟିମ ଘଟଣାସ୍ଥଳରେ ପହଞ୍ଚି ତଦନ୍ତ କରିଥିଲା ପୋଲିସ ।ତେବେ ମାଳତୀଙ୍କ ଅଭିଯୋଗକୁ ଗୁରୁତ୍ବର ସହ ନେଇ ତିରିଂ ପୋଲିସ ତଦନ୍ତ ଜାରି ରଖିଥିଲା । ତଦନ୍ତରେ ଜଣାପଡିଥିଲା ଗାଁର ଦୁଲମୁ ହେମ୍ବ୍ରମ ଘଟଣା ପରଠାରୁ ଫେରାର ରହିଛି । ତାଙ୍କ ସ୍ଥିତି ବିଷୟ ରେ ତଦନ୍ତ ଓ ଟ୍ରାକିଂ କରିବା ପରେ ସେ ଝାଡ଼ଖଣ୍ଡ ପଳାଇଥିବା ପୋଲିସ ସୂଚନା ପାଇଥିଲା । ପୋଲିସ ର ଏକ ଟିମ୍‌ ଝାଡ଼ଖଣ୍ଡରୁ ଚଢ଼ାଉ କରି ଅଭିଯୁକ୍ତକୁ ଧରିଥିଲା ପୋଲିସ।ତେବେ ଗିରଫ ପରେ ଅଭିଯୁକ୍ତକୁ କୋର୍ଟ ଚାଲାଣ କରିଛି ପୋଲିସ । ଏଥିସହ ହତ୍ୟାକାଣ୍ଡରେ ବ୍ୟବହାର ହୋଇଥିବା କାଠ ଫାଳିଆକୁ ଜବତ କରିଛି । ରାଇରଙ୍ଗପୁର ଅତିରିକ୍ତ ପୋଲିସ ଅଧିକ୍ଷକ ନାରାୟଣ ନାୟକ କହିଛନ୍ତି, ‘ତିରିଂ ଥାନା ଅଞ୍ଚଳରେ ଧୋବାଧୋବଣୀ ଗାଁର ମାଳତୀ

ଶୁଣ୍ଡି ନାମକ ଜଣେ ମହିଳା ଅଭିଯୋଗ କଲେ, ତାଙ୍କ ସ୍ବାମୀ ମାଞ୍ଜୁରା ଏକ ଟେଣ୍ଟ ହାଉସରେ କାମ କରନ୍ତି ।ତାଙ୍କ ରକ୍ତାକ୍ତ ଶରୀର ଏକ ସ୍ଥାନରେ ପଡିଛି । ଏହାପରେ ସେ ସ୍ଥାନୀୟ ବ୍ଲକ ଚେୟାରମ୍ୟାନଙ୍କୁ ଫୋନ ଯୋଗେ ଜଣାଇଥିଲେ । ସେ ପହଞ୍ଚିବା ପରେ ମାଞ୍ଜୁରାଙ୍କୁ ରାଇରଙ୍ଗପୁର ହସ୍ପିଟାଲ ଆଣିଥିଲେ । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଏହା ପରେ ସେ ତିରିଂ ଥାନାରେ ଲିଖିତ ଆକାରରେ ଜଣାଇଥିଲେ ଯାହାର କେସ ନଂ ହେଉଛି, 178, ଦଫା 103 BNS । ସେହି ଗାଁର ଦୁଲମୁ ହେମ୍ବ୍ରମ ସନ୍ଦେହ କରୁଥିଲା ତାଙ୍କ ପତ୍ନୀଙ୍କ ସହ ମୃତକଙ୍କ କୌଣସି ଅନୈତିକ ସମ୍ପର୍କ ଅଛି ।ଘଟଣା ଦିନ ସନ୍ଧ୍ୟା ସମୟରେ ପତ୍ନୀ ଆଉ ମୃତ ମାଞ୍ଜୁରାଙ୍କୁ ଏକାଠି ଦେଖି ଉତ୍ୟକ୍ତ ହୋଇପଡିଥିଲେ । ତାଙ୍କୁ ପିଟି ପିଟି ହତ୍ୟା କରିଥିଲେ । ପୋଲିସ ଅଭିଯୁକ୍ତ ଦୁଲମୁକୁ ଗିରଫ କରିଛି । ସେ ତାଙ୍କ ଦୋଷ ସ୍ବୀକାର ମଧ୍ୟ କରିଛନ୍ତି ।

Leave a Reply

Your email address will not be published. Required fields are marked *

error: Content is protected !!
Open chat
ଜୟ ଜଗନ୍ନାଥ 🙏🏻
ଶ୍ରୀକ୍ଷେତ୍ର ନ୍ୟୁଜକୁ ସ୍ୱାଗତ