ବରଗଡ଼ (ମୁକୁନ୍ଦ ଦାସ) : ଆସନ୍ତା ଜାନୁଆରୀ ୩ ତାରିଖରୁ ବରଗଡ଼ ରେ ଆରମ୍ଭ ହେବାକୁ ଯାଉଛି ବିଶ୍ଵ ପ୍ରସିଦ୍ଧ ଧନୁଯାତ୍ରା। ଏହି ସମୟରେ ସହର ମଧ୍ୟ ଦେଇ ଦେଇ ଯାଇ ଥିବା ଜୀରା ନଦୀ ପୌରାଣିକ ଯମୁନା ନଦୀ ର ମାନ୍ୟତା ପାଇଥାଏ, ଜୀରା କୁ ବରଗଡ ର ଜୀବନ ରେଖା ମଧ୍ୟ କୁହାଯାଏ ଓ ଏହାକୁ ପବିତ୍ର ନଦୀ ଭାବେ ଗ୍ରହଣ କରାଯାଏ। କିନ୍ତୁ ଦୁର୍ଭାଗ୍ୟର ବିଷୟ ଧନୁଯାତ୍ରା ସମୟରେ ଏହାର ଅପ ବ୍ୟବହାର ଅଧିକ ହୋଇ ଥାଏ । ନଦୀ କୁ ପୋତି ସମତୁଲ କରି ବ୍ୟବସାୟିକ ଉଦ୍ଦେଶ୍ୟରେ ବ୍ୟବହାର କରାଯାଏ ଯାହାକି ନଦୀର ଅସ୍ତିତ୍ବ ପ୍ରତି ଆହ୍ବାନ ସୃଷ୍ଟି କରୁଛି ବୋଲି ରାଜେନ୍ଦ୍ର ସିକନ୍ଦର ଅଭିଯୋଗ କରିଛନ୍ତି।
ସେହିପରି ପରିବେଶ ସୁରକ୍ଷା ଦୃଷ୍ଟି ରୁ ମଧ୍ୟ ଏହା ବ୍ୟତିକ୍ରମ ସୃଷ୍ଟି କରୁଛି, ଯେଉଁ ମାତ୍ର ରେ ନଦୀ ଗର୍ଭରୁ ବାଲି ଉଠା ଯାଉଛି ଯାଫଳ ରେ କି ନଦୀ ନିଜର ଅସ୍ତିତ୍ବ ହରାଇ ବସୁଛି ତେଣୁ ଏହାର ସୁରକ୍ଷା ଦୃଷ୍ଟି ରୁ ଜୀରା ନଦୀ ସୁରକ୍ଷା ସମିତି ପକ୍ଷରୁ ଜିଲ୍ଲାପାଳଙ୍କୁ ଦାବୀପତ୍ର ପ୍ରଦାନ କରା ଯାଇଛି। ଯେଉଁ ଥିରେ ବ୍ୟବସାୟିକ ଗୋଷ୍ଠୀ କିମ୍ବା ପ୍ରତିଷ୍ଠାନ କୁ ନଦୀ ଭିତରେ ସ୍ଥାନ ନ ଦେଵା, ନଦୀ ଭିତରେ ମାଟି ପୋତା କୁ ବନ୍ଦ କରିବା ଅବାଧ ବଲି ଉତ୍ତୋଳନ ଉପରେ ଅଙ୍କୁଶ ଲଗେଇଵା ସହ ଧନୁଯାତ୍ରାର ମନୋହର ଦୃଶ୍ୟ ଅକ୍ରୁର ଗମନ ସମୟରେ ନଦୀ ଭିତରେ ଉଠିଥିବା କାଇଂଶ ବଣ କୁ ପରିଷ୍କାର କରିବାକୁ ଦାବୀ କରାଯାଇଛି। ଏଥିରେ ଭବାନୀ ସାହୁ, ସରୋଜ ନାଏକ, ନିଖିଳ ପାଣିଗ୍ରାହୀ, ମାରିୟମ ବାର୍ଲା, ପବିତ୍ର ଦେହେରୀ, ଫିରୋଜ ଖାନ ଓ ଅନ୍ୟମାନେ ଉପସ୍ଥିତ ଥିଲେ।