ପୁରୀ/ସାକ୍ଷୀଗୋପାଳ (ଜିତେନ୍ଦ୍ର କୁମାର ସାବୁତ) : ଆରମ୍ଭ ହୋଇଛି ସତ୍ୟବାଦୀ ର ଐତିହ୍ୟ ପରମ୍ପରା କୁ ନେଇ ଅଷ୍ଟମ ସତ୍ୟବାଦୀ ମହୋତ୍ସବ। ମୁଖ୍ୟ ଆକର୍ଷଣ ପଞ୍ଚ ମହାପୁରୁଷ ଙ୍କ ଜ୍ୟୋତି ଯାତ୍ରା ରେ ପ୍ରବଳ ଜନ ସମାଗମ। ସଜେଇ ହୋଇଛି ମୁକ୍ତକାଶ ରଙ୍ଗମଞ୍ଚ।ସଜେଇ ହୋଇଛି ପଞ୍ଚସଖା ପଡିଆ। ଆଜି ଫ୍ରେବୁଆରି ୧୪ ରୁ ଆରମ୍ଭ ହୋଇଛି ସତ୍ୟବାଦୀ ମହୋତ୍ସବ ୨୦୨୫,ସତ୍ୟବାଦୀ ର କଳା ସଂସ୍କୃତି ଓ ପରମ୍ପରା ସହିତ ଜଡିତ ଏହି ମହୋତ୍ସବ ର ଶୁଭ ଉଦ୍ଘାଟନୀ ଉତ୍ସବ ଶୁକ୍ରବାର ଆନୁଷ୍ଠାନିକ ଭାବେ ଅନୁଷ୍ଠିତ ହୋଇ ଯାଇଛି। ମହୋତ୍ସବ ର ମୁଖ୍ୟ ଆକର୍ଷଣ ସୃଷ୍ଟି କରିଥାଏ ଜ୍ୟୋତିଯାତ୍ରା, ଏଥିପାଇଁ ଆଜି ଅପରାହ୍ନ ୩ ଘଣ୍ଟିକା ସମୟରେ ସତ୍ୟବାଦୀ ର ପଞ୍ଚ ମହା ପୁରୁଷ ଙ୍କ ଜନ୍ମପୀଠ ରୁ ଜ୍ୟୋତି କୁ ସୁସଜିତ ରଥରେ ଘୋଡାନାଚ, ସିଂହବାଜା, ଆଦିବାସୀ ନୃତ୍ୟ, ପାରମ୍ପରିକ ବାଦ୍ୟ, ରୋଷଣୀ, ନାଗାନାଚ, ଗୋଟିପୁଅ, ପାଇକ ଆଖଡ଼ାର ତାଳେ ତାଳେ ସ୍ଥାନୀୟ ବସଷ୍ଟାଣ୍ଡ ପର୍ଯ୍ୟନ୍ତ ଆଣାଯାଇଥିଲା
ସାକ୍ଷୀଗୋପାଳ ମନ୍ଦିର ରୁ ଆସିଥିବା ପ୍ରଭୁ ଙ୍କ ଆଜ୍ଞାମାଳ ସହ ବରିଷ୍ଠ ସେବାୟତ ଙ୍କ ସମେତ ମହୋତ୍ସବ ମଞ୍ଚରେ ଜ୍ୟୋତି ସ୍ଥାପନା କରାଯାଇଥିଲା ||ଏହି ଶୋଭାଯାତ୍ରା ରେ ସାମିଲ ହୋଇଥିଲେ ସତ୍ୟବାଦୀ ବିଧାୟକ ତଥା ମହୋତ୍ସବ ର ସଭାପତି ଓମ ପ୍ରକାଶ ମିଶ୍ର,ରାଜ୍ୟ କ୍ରୀଡା ମନ୍ତ୍ରୀ ସୁରଜ ସୂର୍ଯ୍ୟବଂଶୀ,ମନ୍ତ୍ରୀ ସମ୍ପଦ ସ୍ୱାଇଁ,ଧର୍ମଶାଳା ବିଧାୟକ ହିମାଂଶୁ ଶେଖର ସାହୁ,ପିପିଲି ବିଧାୟକ ଆଶ୍ରିତ ପଟନାୟକ, ବିଧାୟକ ଆକାଶ ଦାସ ନାୟକ, ବରିଷ୍ଠ ସଦସ୍ୟ ବିଶ୍ୱଜିତ ଶତପଥୀ, ଜିଲ୍ଲା ପରିଷଦ ସଭ୍ୟା ବିଷ୍ନୁପ୍ରିୟା ବରାଳ, ରତିକାନ୍ତ ମିଶ୍ର,ପୂର୍ବତନ ମଣ୍ଡଳ ସଭାପତି ଉମେଶ ଚନ୍ଦ୍ର ପ୍ରଧାନ, ପ୍ରମୁଖ, ମହୋତ୍ସବ ର ସନ୍ଧ୍ୟାରେ ଅତିଥି ମାନଙ୍କ ଦ୍ୱାରା ପ୍ରଦୀପ ପ୍ରଜ୍ବଳନ ସହିତ ମଞ୍ଚ ଉଦଘାଟନ କରାଯାଇଥିଲା |
ଅତିଥିମାନେ ମଞ୍ଚାସିନ ହେବା ପରେ ଓଡିଶା ସଂଗୀତ ବିଦ୍ୟାଳୟ ଦ୍ୱାରା ସାକ୍ଷୀଗୋପାଳଙ୍କ ଐତିହ୍ୟ କୁ ନେଇ ଏକ ନୃତ୍ୟ ନାଟିକା ପରିବେଷଣ କରାଯାଇଥିଲା| ଶେଷରେ ଓଲିଉଡ଼ ନାଇଟ ରେ ମଞ୍ଚରେ ପ୍ରତିଷ୍ଠିତ କଳାକାର ଙ୍କ ଦ୍ୱାରା ସାଂସ୍କୃତିକ କାର୍ଯ୍ୟକ୍ରମ ପରିବେଷଣ ମାଧ୍ୟମରେ ବିଳମ୍ବିତ ରାତି ପର୍ଯ୍ୟନ୍ତ ଦର୍ଶକ ମାନଙ୍କର ଭିଡ଼ ଦେଖିବାକୁ ମିଳିଥିଲା |ଚାଟ, ଗୁପ ଚୁପ, ଆଦି ନାନା ପ୍ରକାର ର ଫାଷ୍ଟଫୁଡ ଦୋକାନ ସହ, ପଡିଆ ମଧରେ ଥିବା ବିଭିନ୍ନ ଷ୍ଟଲ ଓ ମନୋହାରୀ ଦୋକାନ ରେ କିଣିବା ପାଇଁ ପ୍ରବଳ ଗହଳି ଲାଗି ରହିଥିଲା, ସତ୍ୟବାଦୀ ଥାନା ପକ୍ଷରୁ ଶୃଙ୍ଖଳା ରକ୍ଷା ପାଇଁ ଆଇ ଆଇ ସି ବିଜୟ କେତନ ବେହେରା ଙ୍କ ସମେତ ଅନ୍ୟ ଅଧିକାରୀ ମାନେ ଉପସ୍ଥିତ ଥିଲେ |ଏହି ମହୋତ୍ସବ ଶୁକ୍ରବାର ଠାରୁ ଆରମ୍ଭ ହୋଇ ରବିବାର ସନ୍ଧ୍ୟାରେ ଉଦଯାପିତ କରାଯିବ ବୋଲି କମିଟି ର ସଂପଦକ ଦୀପକ ଶତପଥୀ ସୂଚନା ଦେଇଛନ୍ତି |