ପାକିସ୍ତାନର ଅତିରିକ୍ତ ଆଟର୍ନି ଜେନେରାଲ ଇସ୍ଲାମାବାଦ ହାଇକୋର୍ଟରେ ସ୍ବୀକାର କରିଛନ୍ତି ଯେ ପାକ୍ ଅଧିକୃତ କଶ୍ମୀର (ପିଓକେ) ବିଦେଶୀ ଅଞ୍ଚଳ। ଶୁକ୍ରବାର ଇସ୍ଲାମାବାଦ ଉଚ୍ଚ ନ୍ୟାୟାଳୟରେ କଶ୍ମୀରୀ କବି ତଥା ସାମ୍ବାଦିକ ଅହମଦ ଫାର୍ହାଦ ଶାହଙ୍କୁ ଅପହରଣ ମାମଲାର ଶୁଣାଣି ବେଳେ ପାକ୍ ସରକାରଙ୍କ ପକ୍ଷରୁ ପିଓକେ ଏହାର ଅଞ୍ଚଳ ନୁହେଁ ବୋଲି ସ୍ବୀକାର କରାଯାଇଛି, ଯାହାକି ଏକ ବିରଳ ଘଟଣା।
ଓକିଲଙ୍କ ଯୁକ୍ତିରେ ଆଶ୍ଚର୍ଯ୍ଯ ହୋଇ ଇସଲାମାବାଦ ହାଇକୋର୍ଟ କହିଥିଲେ ଯେ ଯଦି ଆଜାଦ କାଶ୍ମୀର ଏକ ବିଦେଶୀ ଅଞ୍ଚଳ ଏବଂ ପାକିସ୍ତାନର ଅବିଚ୍ଛେଦ୍ଯ ଅଙ୍ଗ ନୁହେଁ, ତେବେ ପାକିସ୍ତାନୀ ସେନା ଏବଂ ପାକିସ୍ତାନୀ ରେଞ୍ଜରମାନେ ପାକିସ୍ତାନରୁ ଏଠାକୁ କିପରି ପ୍ରବେଶ କଲେ। ଅଦାଲତ ଆହୁରି ମଧ୍ଯ କହିଛନ୍ତି ଯେ ଓକିଲଙ୍କ ଦାବି ସୋସିଆଲ ମିଡିଆରେ ପ୍ରତିକ୍ରିଯ଼ା ଆମନ୍ତ୍ରଣ କରିଛି। ଆଜାଦ କାଶ୍ମୀରର ସ୍ଥିତିକୁ ନେଇ ଓକିଲଙ୍କ ଦାବି ଉପରେ କ୍ରୋଧିତ ଗଣମାଧ୍ଯମ ବ୍ଯକ୍ତିବିଶେଷଙ୍କ ସମେତ ବିଭିନ୍ନ ବ୍ଯକ୍ତିତ୍ୱ ତାଙ୍କୁ ସମାଲୋଚନା କରୁଛନ୍ତି।