ବାଣପୁରର ଆରଧ୍ୟ ଦେବୀ ମା ଭଗତୀଙ୍କୁ ଦର୍ଶନ କରି ଆଶ୍ରିବାଦ ଭିକ୍ଷା କଲେ ପୃଥ୍ୱୀରାଜ ହରିଚନ୍ଦନ

ଭୁବନେଶ୍ୱର :ଗତକାଲି ଚ଼ିଲିକା ବିଧାନସଭା କ୍ଷେତ୍ରରୁ ଜନସାଧାରଣଙ୍କ ଆଶୀର୍ବାଦ ପାଇ ବିଧାୟକ ଭାବେ ନିର୍ବାଚ଼ିତ ହେବା ପରେ ଚିଲିକା ଉତନ ବିଧାୟକ ଶ୍ରୀ ପୃଥ୍ୱୀରାଜ ହରିଚନ୍ଦନ ଅଗଣିତ କାର୍ଯ୍ୟକର୍ତ୍ତା ଓ ଶୁଭେଚ୍ଛୁ ମାନଙ୍କ ସହ ଓଡ଼ିଶାର‌ ପ୍ରସିଦ୍ଧ ଶକ୍ତିପୀଠ ତଥା ବାଣପୁରର ଆରାଧ୍ୟ ଦେବୀ,ଜଗତଜନନୀ ଆଦିଶକ୍ତି,‌କଲ୍ୟାଣ‌ମୟୀ‌ ମା’ ଭଗବତୀ ଙ୍କ ଦର୍ଶନ କରି ଆଶୀର୍ବାଦ ଭିକ୍ଷା କରିଥିଲେ l

ଏଠାରେ ବିଜେପି ପ୍ରାର୍ଥୀ ପୃଥ୍ଵୀରାଜ ହରିଚନ୍ଦନ ନିକଟସ୍ଥ ବିଜେଡି ପ୍ରତିଦ୍ବନ୍ଦୀ ପ୍ରାର୍ଥୀ ରଘୁନାଥ ସାହୁଙ୍କୁ ୪୫୬୬ ଖଣ୍ଡ ଭୋଟରେ ପରାସ୍ତ କରିଛନ୍ତି। ଶ୍ରୀ ହରିଚନ୍ଦନ ଦୀର୍ଘ ପାଞ୍ଚ ବର୍ଷ ଧରି ଚିଲିକାର ଜନସାଧାରଣଙ୍କ ସୁଖ ଦୁଃଖରେ ରହିଥିବା ବେଳେ ତାହାର ପ୍ରଭାବ ଦେଖିବାକୁ ମିଳିଛି।

ତେବେ ଉକ୍ତ ବିଜୟ ପରେ ସେ ଗଣମାଧ୍ୟମକୁ ପ୍ରତିକ୍ରିୟାରେ କହିଛନ୍ତି ବିଜୟର ଶ୍ରେୟ ସେ ଚିଲିକାର ସମସ୍ତ ଜନସାଧାରଣ, ବୁଦ୍ଧିଜୀବୀ ଏବଂ ଗୁରୁଜନମାନଙ୍କୁ ଦେଇଛନ୍ତି। ତତସହିତ ଭାଜପା ଓଡ଼ିଶାର ସଂକଳ୍ପପତ୍ର ଏବଂ ଚିଲିକାରେ ଜାରି କରିଥିବା ସଂକଳ୍ପପତ୍ରର କାର୍ଯ୍ୟକାରୀ ଦିଗରେ ତୁରନ୍ତ କାମ ଆରମ୍ଭ ହେବ ବୋଲି ଶ୍ରୀ ହରିଚନ୍ଦନ କହିଛନ୍ତି।

ଭୁବନେଶ୍ୱର ରୁ ସମୀର ରଞ୍ଜନ ନାୟକ ଙ୍କ ରିପୋର୍ଟ

Leave a Reply

Your email address will not be published. Required fields are marked *

error: Content is protected !!
Open chat
ଜୟ ଜଗନ୍ନାଥ 🙏🏻
ଶ୍ରୀକ୍ଷେତ୍ର ନ୍ୟୁଜକୁ ସ୍ୱାଗତ