ବାଙ୍ଗାଲୁର :କଂଗ୍ରେସ ସାଂସଦ ଶଶି ଥରୁର କର୍ଣ୍ଣାଟକରେ ତାଙ୍କ ଦଳ ଦ୍ୱାରା ଘରୋଇ କ୍ଷେତ୍ରରେ କନ୍ନଡ଼ମାନଙ୍କ ପାଇଁ ଚାକିରି ସଂରକ୍ଷଣ ବିଲ୍ କୁ ସମାଲୋଚନା କରି ଏହାକୁ “ଅସାମ୍ବିଧାନିକ” ଏବଂ “ମୂର୍ଖତାପୂର୍ଣ୍ଣ” ବୋଲି କହିଛନ୍ତି। ତେବେ ଏହି ବିଲ୍କୁ ସ୍ଥଗିତ ରଖିବା ପାଇଁ ରାଜ୍ଯ ସରକାରଙ୍କ ନିଷ୍ପତ୍ତିରେ ସେ ଖୁସି ବ୍ଯକ୍ତ କରିଛନ୍ତି ବୋଲି ନିୟୁଜ ଏଜେନ୍ସି ପିଟିଆଇ ରିପୋର୍ଟ କରିଛି।
“ଏହା ଏକ ବୁଦ୍ଧିମାନ ନିଷ୍ପତ୍ତି ନ ଥିଲା। ଯଦି ପ୍ରତ୍ଯକ ରାଜ୍ଯ ଏପରି ଆଇନ ଆଣନ୍ତି, ତେବେ ଏହା ଅସାମ୍ବିଧାନିକ ହେବ। ସମ୍ବିଧାନ ଅନୁଯାଯ଼ୀ, ପ୍ରତ୍ଯକ ନାଗରିକଙ୍କର ଭାରତର ଯେକୌଣସି ଭାଗରେ ସ୍ୱାଧୀନ ଭାବରେ ରହିବା, କାର୍ଯ୍ଯ କରିବା ଏବଂ ଯାତ୍ରା କରିବାର ଅଧିକାର ରହିଛି।
କଂଗ୍ରେସ ୱାର୍କିଂ କମିଟିର ସଦସ୍ଯ ଥିବା ତିରୁବନନ୍ତପୁରମ ସାଂସଦ କହିଛନ୍ତି, “ମୁଁ ଜାଣେ ନାହିଁ କର୍ଣ୍ଣାଟକ କାହିଁକି ଏହା ବିଷୟରେ ଚିନ୍ତା କଲା, କେଉଁ ଆଧାରରେ। ସେ ଦୃଢ଼ତାର ସହ କହିଥିଲେ ଯେ ଏଭଳି ଏକ ଆଇନ କାର୍ଯ୍ଯକାରୀ ହେବା ଦ୍ୱାରା ବ୍ଯବସାଯ଼ କର୍ଣ୍ଣାଟକରୁ ବାହାରି ତାମିଲନାଡ଼ୁ ଏବଂ କେରଳ ଭଳି ପଡ଼ୋଶୀ ରାଜ୍ଯଗୁଡ଼ିକୁ ଚାଲିଯିବ।
ଘରୋଇ କ୍ଷେତ୍ରର ଅଂଶୀଦାରମାନଙ୍କ ପ୍ରତିକ୍ରିଯ଼ା ମଧ୍ଯରେ, ପ୍ରସ୍ତାବିତ ଆଇନକୁ ବୁଧବାର କର୍ଣ୍ଣାଟକ ସରକାର ସ୍ଥଗିତ ରଖିଛନ୍ତି, ମୁଖ୍ଯମନ୍ତ୍ରୀ ସିଦ୍ଧରମୈଯ଼ା କହିଛନ୍ତି ଯେ ଏହାକୁ “ଆଗାମୀ ଦିନରେ ସମୀକ୍ଷା କରାଯିବ ଏବଂ ନିଷ୍ପତ୍ତି ନିଆଯିବ”।