ନୂଆଦିଲ୍ଲୀ : ତାଲିବାନ ପୁଣିଥରେ ଭାରତର ପ୍ରଶଂସା କରିଛି। ଆଫଗାନିସ୍ତାନ କ୍ରିକେଟ୍ ଦଳ ଠାରୁ ଆରମ୍ଭ କରି ତାଲିବାନ ମାନବିକ ସହାୟତା ପାଇଁ ଭାରତକୁ ଧନ୍ଯବାଦ ଜଣାଇଛି। ଭାରତ ସହିତ ଐତିହାସିକ ସମ୍ପର୍କକୁ ଦର୍ଶାଇ ତାଲିବାନର ଦୋହା ସ୍ଥିତ ରାଜନୈତିକ କାର୍ଯ୍ୟାଳୟରେ ମୁଖ୍ଯ ସୁହେଲ ଶାହିନ ନୂତନ ସହଯୋଗ ପାଇଁ ଆହ୍ୱାନ ଦେଇଛନ୍ତି।
ଆଫଗାନିସ୍ତାନରେ ଅସମ୍ପୂର୍ଣ୍ଣ ପ୍ରକଳ୍ପଗୁଡ଼ିକୁ ସମ୍ପୂର୍ଣ୍ଣ କରିବା ଏବଂ ସ୍ୱାସ୍ଥ୍ଯ କ୍ଷେତ୍ରରେ ସହାଯ଼ତା କରିବା ପାଇଁ ରାଜନୈତିକ କାର୍ଯ୍ୟାଳୟର ମୁଖ୍ଯ ସୁହେଲ ଶାହିନ ଭାରତକୁ ଆହ୍ୱାନ କରିଛନ୍ତି। ଏହି ସମୟରେ ସେ କହିଥିଲେ ଯେ ଦେଶରେ ମହିଳା ଅଧିକାର ଉପରେ ଅଧିକ କାର୍ଯ୍ଯ କରାଯିବ। ସେ କହିଛନ୍ତି, “ଆଫଗାନିସ୍ତାନର ସ୍ଥିତି ଯେମିତି ଦେଖାଯାଉଛି ସେମିତି ନାହିଁ।
ସାହାଯ୍ୟ ପାଇଁ ଧନ୍ୟବାଦ ଦେଲା
ଭାରତ ଦୀର୍ଘ ସମଯ଼ ଧରି ଆଫଗାନିସ୍ତାନ କ୍ରିକେଟ ଦଳକୁ ସାହାଯ୍ଯ କରିଆସୁଛି। ଆଜି ମଧ୍ଯ ହଜାର ହଜାର ଆଫଗାନ ଭାରତରେ ବ୍ୟବସାୟ କରୁଛନ୍ତି। ଆଫଗାନିସ୍ତାନରେ ମହିଳାମାନଙ୍କ ଭୂମିକା ସମ୍ପର୍କରେ ସେ କହିଥିଲେ ଯେ ନିକଟରେ ମହିଳା ଉଦ୍ୟୋଗୀମାନଙ୍କୁ ୧୦ ହଜାରରୁ ଅଧିକ ବ୍ଯବସାଯ଼ିକ ଲାଇସେନ୍ସ ପ୍ରଦାନ କରାଯାଇଛି। ଏହି ସଂଖ୍ୟା ପୂର୍ବ ସରକାରଙ୍କ ତୁଳନାରେ ଆହୁରି ଅଧିକ।
ଦେଶର ଅର୍ଥନୀତି ଉପରେ ଆନ୍ତର୍ଜାତୀୟ ପ୍ରତିବନ୍ଧକଗୁଡ଼ିକର ପ୍ରଭାବକୁ ସୁହେଲ୍ ଶାହିନ୍ ସ୍ୱୀକାର କରିଛନ୍ତି। “ଯଦି ଆମ ଉପରେ କୌଣସି ପ୍ରତିବନ୍ଧକ ନ ଥାନ୍ତା, ତେବେ ଆମର ଅଭିବୃଦ୍ଧି ତ୍ୱରାନ୍ୱିତ ହୋଇଥାନ୍ତା।
ଭାରତ ଆଫଗାନିସ୍ତାନକୁ ଅନେକ କ୍ଷେତ୍ରରେ ସାହାଯ୍ଯ କରିଛି।
ଆଫଗାନିସ୍ତାନର ପୁନଃନିର୍ମାଣ ଏବଂ ପୁନର୍ବାସରେ ଭାରତ ଗୁରୁତ୍ୱପୂର୍ଣ୍ଣ ଯୋଗଦାନ ଦେଇଛି। ଆଫଗାନିସ୍ତାନରେ ବୈଷୟୀକ ସହଯୋଗ ଏବଂ କ୍ଷମତା ନିର୍ମାଣ କ୍ଷେତ୍ରରେ ମଧ୍ଯ ଭାରତ ନିବେଶ କରିଛି। ଭାରତ ଏପର୍ଯ୍ଯ଼ନ୍ତ ଆଫଗାନିସ୍ତାନକୁ ୩ ବିଲିଯ଼ନ ଡଲାର ସହାୟତା ପ୍ରଦାନ କରିଛି। ତାଲିବାନ ଶାସନ କ୍ଷମତାକୁ ଆସିବା ପରଠାରୁ ଆଫଗାନିସ୍ତାନକୁ ଭାରତର ସହାଯ଼ତା ହ୍ରାସ ପାଇଛି। କିନ୍ତୁ ଏହା ପରେ ମଧ୍ଯ ଭାରତ ଖାଦ୍ଯଶସ୍ଯ, ଔଷଧ, କୋଭିଡ ଟିକା ସମେତ ଅନେକଅତ୍ୟାବଶ୍ୟକ ସାମଗ୍ରୀ ଯୋଗାଇ ଦେଇଛି।
ଆଫଗାନିସ୍ତାନର ପୁନଃନିର୍ମାଣ ଏବଂ ପୁନର୍ବାସରେ ଭାରତ ଗୁରୁତ୍ୱପୂର୍ଣ୍ଣ ଯୋଗଦାନ ଦେଇଛି। ଆଫଗାନିସ୍ତାନରେ ବୈଷୟିକ ସହଯୋଗ ଏବଂ କ୍ଷମତା ନିର୍ମାଣ କ୍ଷେତ୍ରରେ ମଧ୍ଯ ଭାରତ ନିବେଶ କରିଛି। ଭାରତ ଏପର୍ଯ୍ଯନ୍ତ ଆଫଗାନିସ୍ତାନକୁ ୩ ବିଲିୟନ ଡଲାର ସହାୟତା ପ୍ରଦାନ କରିଛି।