କରଞ୍ଜିଆ (ରିପୋର୍ଟ-ଜିତେନ୍ଦ୍ର ରାଜ ):ଦେଶର ଶିଶୁଙ୍କୁ କୁପୋଷଣରୁ ରକ୍ଷା ନିମନ୍ତେ ଅପପୁଷ୍ଟି ଅନୁପୂରକ ଖାଦ୍ୟ ପ୍ରଦାନ,ସେମାନଙ୍କ ଯତ୍ନ ମୂଳଭୂତ ଶିକ୍ଷା ପ୍ରଦାନ ନିମନ୍ତେ ୧୯୭୫ ମସିହା ଅକ୍ଟୋବର ୨ ତାରିଖ ଗାନ୍ଧୀ ଜୟନ୍ତୀ ଦିନ ତତ୍କାଳୀନ କେନ୍ଦ୍ର ସରକାର ସ୍ୱମନିତ ଶିଶୁ ବିକାଶ ଯୋଜନା ବା ଆଇ.ସି.ଡି.ଏସ ଯୋଜନା ଲାଗୁକରିଥିଲେ ପରେ ଓଡିଶା ର ପୂର୍ବତନ ମୁଖ୍ୟମନ୍ତ୍ରୀ ଙ୍କ ଶାସନ ସମୟରେ ମମତା ଯୋଜନା ଲାଗୁପରେ ଗର୍ଭବତୀ ମହିଳା ଓ ନବଜାତ ଶିଶୁ ଙ୍କୁ ପୋଷଣ ନିମନ୍ତେ ଛତୁଆ, ସୁଜି ହାଲୁଆ, ଅଣ୍ଡା,ବଡାମ ଲଡ଼ୁ ଓ ଅନ୍ୟ ଖାଦ୍ୟ ସାମଗ୍ରୀ ବଣ୍ଟନ କରାଯାଉଛି ସରକାରଙ୍କ ଯୋଜନା ଥିଲା କି କୁପୋଷଣରୁ ଗର୍ଭବତୀ ଓ ନବଜାତ ଶିଶୁ ଙ୍କୁ ରକ୍ଷା କରିବା କିନ୍ତୁ ଏବେ ତାହା ବାଟବଣା ହୋଇଯାଇଥିବା ପରିଲକ୍ଷିତ ହୋଇଛି।
ଏହି ଯୋଜନା ନିମନ୍ତେ ସରକାର କୋଟି କୋଟି ଟଙ୍କା ଖର୍ଚ୍ଚ କରୁଥିବା ବେଳେ ବାସ୍ତବରେ ଏହା ଏବେ କିଛି ଦୁର୍ନୀତି ଗ୍ରସ୍ତ ମୁଷ୍ଟିମେୟ ରାଜନେତା ଓ ଅଧିକାରୀଙ୍କ ଯୋଗୁ ଏହାର ଓଲଟା ଫଳ ଦେଖିବାକୁ ମିଳୁଛି। ଯୋଗାଣ ହେଉଥିବା ଛତୁଆ ଗୁଡିକ ଅତ୍ୟନ୍ତ ନିମ୍ନମାନର ହେଉଥିବାରୁ ଲୋକେ ତାହାକୁ ଖାଇବା ପରିବର୍ତ୍ତେ ଗାଈ ଓ ଛେଳି ଙ୍କୁ ଖାଇବାକୁ ଦେଉଥିବା ଦେଖିବାକୁ ମିଳେ। ଆଜି ଏକ ଅତ୍ୟନ୍ତ ଦୁଖଦଃ ଓ ନିନ୍ଦନୀୟ ଘଟଣା ଦେଖିବାକୁ ମିଳିଛି କରଞ୍ଜିଆ ରେ କରଞ୍ଜିଆ ଏନଏସି ୱାର୍ଡ ନଂ ୯ ଗଡ଼ସାହି ଅଞ୍ଚଳ ରେ ଆଇ.ସି.ଡି.ଏସ ଯୋଜନା ରେ ବଣ୍ଟନ କରାଯାଇଥିବା ସୁଜି ହାଲୁଆ ଗୁଡିକ ରେ ପୋକ ସାଲୁବାଲୁ ଦେଖି ନେଇଥିବା ଲୋକେ ଅଙ୍ଗନୱାଡିକୁ ନେଇ ସେ ସବୁକୁ ଫେରସ୍ତ କରିଥିଲେ।ସ୍ଥାନୀୟ ଗଡ଼ ସାହି ବାସିନ୍ଧା ଅରୁଣ କୁମାର ବେହେରା ଙ୍କ ଘରେ ମଧ୍ୟ ଏହି ପୋକ ଥିବା ସୁଜି ଦିଆଯାଇଥିଲା ସେ ପ୍ୟାକେଟ ଖୋଲି ଦେଖିଲାବେଳେ ପ୍ୟାକେଟ ଭିତରେ ପୋକ ସାଲୁବାଲୁ ଥିବା ଦେଖିବାକୁ ପାଇ ତୁରନ୍ତ ସିଡ଼ିପିଓ ଙ୍କ କାର୍ଯ୍ୟାଳୟ କୁ ଯାଇଥିଲେ।
କିନ୍ତୁ ସେଠାରେ ସିଡ଼ିପିଓ ଉପସ୍ଥିତ ନଥିବାରୁ କରଞ୍ଜିଆ ଉପଜିଲ୍ଲାପାଳ ଙ୍କ ନିକଟକୁ ସୁଜି ପ୍ୟାକେଟ ନେଇ ଦେଖାଇଥିଲେ। ଉପଜିଲ୍ଲାପାଳ ଘଟଣାକୁ ଗୁରୁତ୍ୱ ସହିତ ନେଇ ନିଜେ ଏହାର ତଦନ୍ତ କରିବେ ଓ କଠୋର ରୁ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ପ୍ରତିଶୃତି ଦେଇଥିଲେ। ଦୀର୍ଘ ବର୍ଷ ବର୍ଷ ଧରି ଏଭଳି ନିମ୍ନମାନର ସାମଗ୍ରୀ ଅଙ୍ଗନୱାଡି ଗୁଡିକରେ ପ୍ରଦାନ କରାଯାଉଥିଲେ ମଧ୍ୟ ଏହା ଉପରେ ଦାୟିତ୍ୱ ରେ ଥିବା ଅଧିକାରୀ କୌଣସି ଦୃଷ୍ଟି ଦେଇନଥିଲେ।
ଏହାଦ୍ୱାରା ଗର୍ଭବତୀ ଓ ନବଜାତ ଙ୍କୁ ମରଣ ମୁହଁକୁ ଠେଲି ଦେଉଛନ୍ତି ଏଣୁ ଦୋଷୀ ଙ୍କ ବିରୋଧ ରେ ଦୃଷ୍ଟାନ୍ତମୂଳକ କାର୍ଯ୍ୟାନୁଷ୍ଠାନ ସହିତ ନିମ୍ନମାନର ଛତୁଆ ଓ ସୁଜି,ଯୋଗାଣ କରୁଥିବା ସଂସ୍ଥା ର ଟେଣ୍ଡର ବାତିଲ କରିବା ସହିତ ସଂସ୍ଥା କୁ କଳା ତାଲିକା ଭୁକ୍ତ କରିବାକୁ ଉପଜିଲ୍ଲାପାଳଙ୍କ ଠାରେ ଦାବୀ ହୋଇଛି।