କରଞ୍ଜିଆ ( ରିପୋର୍ଟ – ଜିତେନ୍ଦ୍ର ରାଜ ): ଭାରତ ସରକାରଙ୍କ ସବୁଠୁ ବଡ଼ ବୀମା ସଂସ୍ଥାନ ଭାରତୀୟ ଜୀବନ ବୀମା ନିଗମ (ଏଇ ଆଇ.ସି) ପକ୍ଷରୁ ସେପ୍ଟେମ୍ବର ପହିଲାରୁ ସପ୍ତାହ ବ୍ୟାପି ସେପ୍ଟେମ୍ବର ୭ ତାରିଖ ପର୍ଯ୍ୟନ୍ତ ବୀମା ସପ୍ତାହ ଦିବସ ପାଳନ କରାଯାଉଛି । ୧୯୫୬ ମସିହା ସେପ୍ଟେମ୍ବର ୧ ତାରିଖ ଦିନ ଭାରତ ସରକାର ଏହାକୁ ଜାତୀୟକରଣ କରିଥିଲେ।ଚଳିତ ବର୍ଷ ଭାରତୀୟ ଜୀବନ ବୀମା ନିଗମ ୬୮ ବର୍ଷରେ ପଦାର୍ପଣ କରିଛି। କରଞ୍ଜିଆ ସାଟେଲାଇଟ ଶାଖାରେ ମଧ୍ୟ ଶାଖା ପରିଚାଳକ ଭାଗବତ ଟୁଡୁ ଙ୍କ ସଭାପତିତ୍ୱରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ପାଞ୍ଚପିଢ଼ ଉପଜିଲ୍ଲାପାଳ ପ୍ରେମାଂଶୁ ଚାନ୍ଦ, ଯୋଗଦେଇ ଏଲଆଇସି ଦେଶ ନିର୍ମାଣରେ କେମିତି ସହଭାଗିତା କରୁଛି ତାର ବିଷଦ ସୂଚନା ଦେଇଥିଲେ।
ସଭାପତି ତାଙ୍କ ଅଭିଭାଷଣରେ ଏଇ ଆଇ. ସି. ର ଇତିହାସ ଏବଂ ବର୍ତ୍ତମାନର ସ୍ଥିତି ସଂପର୍କରେ କହିଥିଲେ। ମୁମ୍ବାଇରେ ଏଲଆଇସି ମୁଖ୍ୟ କାର୍ଯ୍ୟାଳୟ ଓ ଭାରତରେ ୮ଟି ଜୋନ୍ କାର୍ଯ୍ୟାଳୟ ୧୧୩ଟି ଡିଭିଜନ କାର୍ଯ୍ୟାଳୟ, ୨୦୪୮ଟି ଶାଖା କାର୍ଯ୍ୟାଳୟ ଏବଂ ୧୫୮୪ଟି ସାଟେଲାଇଟ କାର୍ଯ୍ୟାଳୟରେ ୯୮, ୬୬୧ କର୍ମଚାରୀ ଓ ୧୪,୧୪,୭୪୩ ଜଣ ଅଭିକରା (ଏଜେଣ୍ଟ) କାର୍ଯ୍ୟରତ ଥିବାଶାଖା ପରିଚାଳକ କହିଥିଲେ। ଅନ୍ୟମାନଙ୍କ ମଧ୍ୟରେ କାର୍ଯ୍ୟାଳୟ ର ପ୍ରଶାସନିକ ଅଧିକାରୀ ପ୍ରଫୁଲ୍ଲ ଚନ୍ଦ୍ର ନାଏକ ଙ୍କ ସହିତ ଶାଖା ର ସମସ୍ତ ଏଜେଣ୍ଟ ଓ ଜନସାଧାରଣ ଉପସ୍ଥିତ ଥିଲେ।