ବାଣପୁର ଅଂଚଳର ବିଭିନ୍ନ ସ୍ଥାନରେ ଅବକାରୀ ଚଢ଼ାଉ

ଭୁବନେଶ୍ୱର (ରିପୋର୍ଟ – ସମୀର ରଞ୍ଜନ ନାୟକ ):ଅବକାରୀ ଚଢ଼ାଉ କରି ଦେଶୀ ମଦ ଜବତ ହୋଇ ଥିବା ଖବର ଆମ ହସ୍ତଗତ ହୋଇଛି। ମିଳିଥିବା ଖବର ଅନୁଯାଇ ଖୋର୍ଦ୍ଧା ଜିଲ୍ଲା ଅଧିନସ୍ଥ ବାଣପୁର ଅଂଚଳର ବିଭିନ୍ନ ସ୍ଥାନରେ ଅବକାରୀ ବିଭାଗ ଚଢ଼ାଉ କରି ୯୦ ଲିଟର ଦେଶୀମଦ ଜବତ କରିବା ସହ ତିନିଜଣଙ୍କୁ ଗିରଫ କରିଛି।ମଙ୍ଗଳବାର ଅବକାରୀ ଅଧିକାରୀ ସ୍ମିତା ପଣ୍ଡାଙ୍କ ନେତୃତ୍ୱରେ ବାଣପୁର ଅଂଚଳରେ ଚଢ଼ାଉ କରି ଝିଣ୍ଟିକାପଲ୍ଲୀ ଅଂଚଳର ନାରାୟଣ ସାହୁଙ୍କ ନିକଟରୁ ୪୦ଲିଟର, କନ୍ଧ ପୁଞ୍ଜିଆମା ଗ୍ରାମର କାର୍ତ୍ତିକ ଦାସଙ୍କ ନିକଟରୁ ୨୫ଲିଟର ଏବଂ ସରନଈ ସଞ୍ଜୟ ନାୟକଙ୍କ ଠାରୁ ୨୫ଲିଟର ଦେଶୀମଦ ସହ ଏକ ମୋଟର ସାଇକେଲ ଜବତ କରିଛି।ଉପରୋକ୍ତ ତିନିଜଣ ଅଭିଯୁକ୍ତଙ୍କୁ ଗିରଫ କରି ବାଣପୁର କୋର୍ଟ ସ୍ଥାନାନ୍ତର କରାଯାଇଥିବା ଜଣା ପଡିଛି l