ମୟୁରଭଞ୍ଜ : କଥା ଦେଇ କଥା ରଖିଲେ ସରକାର ଯୋଗ୍ୟ ହିତାଧିକାରୀଙ୍କ ବ୍ୟାଙ୍କ ଖାତାକୁ ୧ ଟଙ୍କା ପରୀକ୍ଷା ମୂଳକ ଆସିବା ଆରମ୍ଭ,କରଞ୍ଜିଆ ଠାରେ ସୁଭଦ୍ରା ସ୍ୱାଗତ ପଦଯାତ୍ରା ଅନୁଷ୍ଠିତ।
ରାଜ୍ୟ ସରକାରଙ୍କ ଐତିହାସିକ ସୁଭଦ୍ରା ଯୋଜନାର କିଛି ହିତାଧିକାରୀ ଙ୍କ ନିକଟକୁ ପରୀକ୍ଷମୂଳକ ଭାବେ ତାଙ୍କ ବ୍ୟାଙ୍କ ଆକାଉଣ୍ଟକୁ ୧ ଟଙ୍କା ଆସିବା ଆରମ୍ଭ ହୋଇଥିବା ବେଳେ ସୁଭଦ୍ରା ଯୋଜନା ବିଷୟରେ ମହିଳାଙ୍କ ନିକଟକୁ ଯୋଜନାର ସୂଚନା କୁ ବିସ୍ତାର କରିବାକୁ ଲକ୍ଷ୍ୟ ନେଇ କରଞ୍ଜିଆ ଠାରେ ସୁଭଦ୍ରା ସ୍ୱାଗତ ପଦଯାତ୍ରା ଅନୁଷ୍ଠିତ ହୋଇଯାଇଛି। ସକାଳ ୯ ଘଟିକା ସମୟରେ କରଞ୍ଜିଆ ବ୍ଲକ କାର୍ଯ୍ୟାଳୟରୁ ଆରମ୍ଭ ହୋଇଥିବା ସ୍ୱାଗତ ପଦଯାତ୍ରା କରଞ୍ଜିଆ ସହର ପରିକ୍ରମା ପରେ ପୁଣି ବ୍ଲକ କାର୍ଯ୍ୟାଳୟରେ ଶେଷ ହୋଇଥିଲା
ଏହି କାର୍ଯ୍ୟକ୍ରମରେ ବିଡ଼ିଓ ସୁଶାନ୍ତ କୁମାର ସୁତାର, ସିଡ଼ିପିଓ ମଞ୍ଜୁଳା ବେହେରା, ସାଂସଦଙ୍କ ପ୍ରତିନିଧି ଆଶିଷ କୁମାର ମହାନ୍ତ ,ଲିଟୁ ଦାସ ,ଡିପିଏମ ଇନଚାର୍ଜ ଦୀପ୍ତି ପଣ୍ଡା , ବ୍ଲକ ମିଶନ ଶକ୍ତି ସଂଯୋଜକ ଅମରେଶ ନାୟକ,କରଞ୍ଜିଆ ଏନଏସି ମିଶନଶକ୍ତି ସଂଯୋଜକ ସୌଭାଗ୍ୟ ପଟ୍ଟନାୟକ, ଶାନ୍ତନୁ କୁମାର ଦଣ୍ଡସେନା, ବିଜୁ ଜେନାଙ୍କ ସମେତ ଅନେକ ଅଙ୍ଗନୱାଡି କର୍ମୀଙ୍କ ସହିତ ଶତାଧିକ ମହିଳା ଯୋଗ ଦେଇଥିଲେ।ପ୍ରବଳ ବର୍ଷା ସତ୍ୱେ ଏହି କାର୍ଯ୍ୟକ୍ରମ ରେ ଶତାଧିକ ମହିଳା ବହୁ ଉତ୍ସାହର ସହିତ ଯୋଗଦେଇଥିଲେ।