ବୀରମହାରାଜପୁର ଠାରେ ବିଶ୍ୱ ମାନସିକ ସ୍ୱାସ୍ଥ୍ୟ ଦିବସ ପାଳିତ

ସୁବର୍ଣ୍ଣପୁର (ରିପୋର୍ଟ-ଶାନ୍ତନୁ କୁମାର କର୍ଣ୍ଣ) : ସୁବର୍ଣ୍ଣପୁର ଜିଲ୍ଲା ବିରାମହରାଜପୁର ପଂଚାୟତ ସମିତି ସଭା ଗୃହ ରେ ରେଆର ସୋନପୁର ତରଫରୁ ବେସିକ ନିଡ଼ ଇଣ୍ଡିଆ ସହାୟତା ରେ ବିଶ୍ୱ ମାନସିକ ସ୍ୱାସ୍ଥ୍ୟ ଦିବସ ପାଳିତ ହୋଇଯାଇଛି!କାର୍ଯ୍ୟକ୍ରମ ରେ ମୁଖ୍ୟ ଅତିଥିଭାବେ ବିରାମହରାଜପୁର ଉପଖଣ୍ଡ ଚିକିତ୍ସାଳୟ ର ଡାକ୍ତର ସ୍ୱରୂପ ବେହେରା ଯୋଗ ଦେଇଥିଲେ, ସମ୍ମାନିତ ଅତିଥିଭାବେ ବେସିକ ନିଡ଼ ଇଣ୍ଡିଆ ର ରାଜ୍ୟ ସଂଯୋଜକ ରାଜୀବ କର୍ମୀ,ବୀରମହାରାଜପୁର ଥାନା ରୁ ଅଭିନାଶ ପଧାନ ରେଆର ସହ ପ୍ରତିଷ୍ଠାତା ଆମ୍ବୁଜ ବିହାରୀ ଶତପଥି, ରେଆର ସାଧାରଣ ସମ୍ପାଦକ ଅନଙ୍ଗ ନେଗୀ ଯୋଗ ଦେଇ ଦିବସ ପାଳନ ର ଉଦ୍ୟେଶ ବିଷୟରେ ଆଲୋକପାତ କରିଥିଲେ!ପ୍ରାରମ୍ଭ ରେ ପ୍ରକଳ୍ପ ସଂଯୋଜକ ବିଶ୍ୱମ୍ବର ସାହୁ ବିରାମହରାଜପୁର ବ୍ଲକ ଅଂଚଳ ରେ ମାନସିକ ଅସୁସ୍ଥ ବ୍ୟକ୍ତି ଙ୍କ ସ୍ଥିତି ବିଷୟରେ ଉପସ୍ଥାପନା କରିଥିଲେ!କାର୍ଯ୍ୟକ୍ରମ ରେ ମାନସିକ ଅସୁସ୍ଥ ବ୍ୟକ୍ତି, ପରିବାର ସହାୟତା ଗୋଷ୍ଠୀ ର ସଦସ୍ୟ, ରେଆର ର ସ୍ବେଛାସେବୀ,ସ୍ଥାନୀୟ ସ୍ବେଛାସେବୀ ସଂସ୍ଥା ସିୟା ର ସଦସ୍ୟ, ମାନସିକ ଅସୁସ୍ଥ ବ୍ୟକ୍ତି ଙ୍କ ଯତ୍ନକାରୀ ମାନେ ଯୋଗ ଦେଇଥିଲେ!ଶେଷରେ କ୍ଷେତ୍ର ସହାୟକ ମିତ୍ରଭାନୁ ମଲ୍ଲିକ ଧନ୍ୟବାଦ ଅର୍ପଣ କରିଥିବା ବେଳେ ଅବନୀ ଶତପଥି, ସୁଦାମ ଗାଈଗରିଆ ସହଯୋଗ କରିଥିଲେ,ଏହି ଅବସରରେ ଏକ ସଚେତନତା ରେଲି ସହର ପରିକ୍ରମା କରିଥିଲା