ମାଲେସିଆ ଆନ୍ତର୍ଜାତିୟ ଓପନ୍ ଆଥଲେଟିକ୍ସ ଚାମ୍ପିଅନସିପ୍ ରେ ସନ୍ତୋଷ କୁମାରଙ୍କୁ ରୌପ୍ୟ

ବରଗଡ (ରିପୋର୍ଟ – ମୁକୁନ୍ଦ ଦାସ ) : ମାଲେସିଆର କୁଆଲାଲୁମ୍ପୁର ଠୀରେ ଆୟୋଜିତ ହୋଇଥିବା ଓପନ ଆଥଲେଟିକ୍ସ ଚାମ୍ପିଅନସିପ୍ରେ ପ୍ରଥମ ଦିନରେ ଶ୍ରୀ ପଧାନ ତାଙ୍କର ବ୍ୟକ୍ତିଗତ ଇଭେଣ୍ଟ ଲମ୍ବ ଡିଆଁ ଏବଂ ଉଚ୍ଚ ଡିଆଁରେ ଦ୍ଵିତୀୟ ସ୍ଥାନ ଅଧିକାର କରି ଭାରତ କଥା ଓଡିଶା ପାଇଁ ଦୁଇଟି ରୌପ୍ୟ ପଦକ ହାସଲ କରିଛନ୍ତି l ପ୍ରକାଶ ଥାଉକି ଯେ ଏହି ଅନ୍ତର୍ଜାତିକ ମାଷ୍ଟର ଓପନ୍ ଆଥଲେଟିକ୍ସ ଚାମ୍ପିଅନସିପ୍ ରେ ଚୀନ, ମାଲେସିଆ,ସିଙ୍ଗାପୁର, ପାକିସ୍ତାନ, ଶ୍ରୀଲଙ୍କା, ହଂଗ କଂଗ, ଥାଇଲାଣ୍ଡ, ଇଣ୍ଡୋନେସିଆ, ବର୍ମା, ନାଇଜେରିଆ,ବ୍ରୁନାଇ, ଫିଲିପାଇନ୍ସ, ମେଲାକ୍, ପ୍ରଭୁତି ଦେଶ ଗୁଡ଼ିକ ରୁ ପ୍ରାୟ ଦୁଇ ହଜାର ପ୍ରତିଯୋଗୀ ଅଂଶ ଗ୍ରହଣ କରିଥିଲେ l ଏହି ପ୍ରତିଯୋଗିତାରେ ଓଡ଼ିଶା ରୁ ସନ୍ତୋଷ କୁମାର ପଧାନ ଏବଂ ମହିଳା ବର୍ଗରେ ରେଖା ଦେ ଅଂଶ ଗ୍ରହଣ କରିଥିଲେ l ଆଜିର ପଦକ ପାଇ ରାଜ୍ୟର ଏବଂ ଜିଲ୍ଲାର, କ୍ରୀଡାପ୍ରେମୀ ମାନଙ୍କ ର ଆଶୀର୍ବାଦ ପାଇଁ ସମସ୍ତଙ୍କୁ ଧନ୍ୟବାଦ ଜଣାଇଛନ୍ତି l ଆଗାମୀ ଇଭେଣ୍ଟ ପାଇଁ ପୁଣି ପଦକ ଆଣିବା ପାଇଁ ଲକ୍ଷ୍ୟ ରଖିଛନ୍ତି