ପୁରୀ ବୈଷ୍ଣବୀ ଦେବୀ ମନ୍ଦିରରେ ଦଶହରା ପୂଜା ଧୂମଧାମ ର ସହିତ ପାଳନ

ପୁରୀ (ରିପୋର୍ଟ – ସମୀର ରଞ୍ଜନ ନାୟକ ) :ପୁରୀ ଭିଆଇପି ରୋଡ଼ ସ୍ଥିତ ଶକ୍ତି ଇଣ୍ଟରନେସନାଲ ହୋଟେଲ ସାଇଡ ଗଳିରେ ମା ବୈଷ୍ଣବୀ ଦେବୀଙ୍କ ମନ୍ଦିରରେ ସପ୍ତମୀ, ଅଷ୍ଟମୀ, ନବମୀ ଏବଂ ବିଜୟା ଦଶମୀ ପୂଜା ଧୂମଧାମ ର ସହିତ ପାଳନ କରାଯାଇଛି l ଏହି ମନ୍ଦିରର ପ୍ରତିଷ୍ଠାତା ଦଇତାପଡା ସାହିର କୃଷ୍ଣ ସାବତଙ୍କ କହିବାନୁସାରେ ଦୀର୍ଘ ସତର ବର୍ଷ ତଳେ ଯେତେବେଳେ ଷ୍ଟେଟ ବ୍ୟାଙ୍କ ରେ କାର୍ଯ୍ୟରତ ଥିଲେ ତାଙ୍କୁ ମା ବୈଷ୍ଣବୀ ଦେବୀଙ୍କ ସ୍ୱପ୍ନା୍ଦେଶ ହେବାରୁ ସେ ନିଜ ଚାକିରିରୁ ଅବସର ଗ୍ରହଣ କରି ମା ବୈଷ୍ଣବୀ ଦେବୀଙ୍କ ମନ୍ଦିର ତିଆରି ରେ ନିମଗ୍ନ ରହିଲେ l ମାଙ୍କ ମନ୍ଦିର ସାରିବା ପରେ ମାଙ୍କ ସ୍ୱପ୍ନା୍ଦେଶ ରେ ବାବା ଅମରନାଥ ଏବଂ ଶନି ମନ୍ଦିର ତିଆରି କରି ମହାପ୍ରଭୁ ଶ୍ରୀଜଗନ୍ନାଥ, ବଳଭଦ୍ର ଏବଂ ମା ସୁଭଦ୍ରାଙ୍କୁ ସ୍ଥାପନ କରିଲେ l ଏଠାରେ ମାଙ୍କ ଏହି ଷୋଳପୂଜା ଵିଧି ମା ବିମଳାଙ୍କ ପୂଜାନୀତି ଅନୁସାରେ ଦୀର୍ଘ ସତର ବର୍ଷ ହେବ ପାଳନ କରାଯାଉଛି l ଏଠାରେ ପ୍ରତିଦିନ ଶତାଧିକ ଭକ୍ତ ଆସିବା ସହିତ ପ୍ରତିଦିନ ନୂତନ ଗାଡି ସହିତ ପୁରୁଣା ଗାଡି ପୂଜା କରାଯାଉଛି l ଏହା ପୁରୀ ସହରର ଏକ ଧାର୍ମିକ ପୀଠସ୍ଥଳୀ ହିସାବରେ ଭକ୍ତଙ୍କ ଭିଡ଼ ଜମୁଛି l