ବରଗଡ (ମୁକୁନ୍ଦ ଦାସ) : ଲରମ୍ଭା ଉଚ୍ଚବିଦ୍ୟାଳୟ ଲରମ୍ଭା 1991 ଓ 2000ମେଟ୍ରିକ ବେଚର ବନ୍ଧୁମିଳନ ଉତ୍ସବ ଯଥାକ୍ରମେ ସ୍ଥାନୀୟ ଲରମ୍ଭା ଶ୍ରୀ ଅରବିନ୍ଦ ପୂର୍ଣ୍ଣାଙ୍ଗ ଶିକ୍ଷାଅନୁଷ୍ଠାନ ଓ କୁମେଲସିଂହା ସ୍ଥିତ ଶ୍ରୀସାଇ ମନ୍ଦିର ପରିସରରେ ହୋଇଯାଇଛି l ଯଥାରୀତି ନିୟମ ଅନୁସାରେ ପ୍ରଥମେ ଗୁରୁପୂଜନ, ଗୁରୁ ସମ୍ବର୍ଦ୍ଧନା ତା ସହିତ ପରଲୋକ ହୋଇଥିବା ଗୁରୁଜନ ଓ ଗୁରୁମା ମାନଙ୍କ ଫୋଟୋ ଚିତ୍ରରେ ପ୍ରଦୀପ ପ୍ରଜ୍ବଳନ କାର୍ଯ୍ୟକ୍ରମ ସହ ବନ୍ଧୁମିଳନ ଉତ୍ସବ ଖୁବ ଆଡ଼ମ୍ବର ସହ ପାଳିତ ହୋଇଛି l 1991ମାଟ୍ରିକ ବେଚର ସଭାକାର୍ଯ୍ୟ ପରିଚାଳନା କରଥିଲେ ପ୍ରମୋଦ ଚନ୍ଦ୍ର ଦୋରା, ଏବଂ 2000ବେଚର ସଭାକାର୍ଯ୍ୟ ପରିଚାଳନା କରଥିଲେ ସଚିନ କୁମାର ମହାକୁର, ଜୟନ୍ତ ଦେହେରୀ, ଗୀତା ବାରିକ l
ପୂର୍ବତନ ପ୍ରଧାନ ଶିକ୍ଷକ ଶ୍ରୀମାନ ଭାରତ ସରାପ, ଶିକ୍ଷକ ଦିଲ୍ଲୀପ କୁମାର ସାହୁ, ରାଜେନ୍ଦ୍ର ନାରାୟଣ ଦାସ, ବିନୟ କୁମାର ନାଏକ, କପିଳେଶ୍ୱର ବାଗ,ଧନେଶ୍ୱର ପଟେଲ, ଶିକ୍ଷୟିତ୍ରୀ ମଞ୍ଜୁମହାକୁର, ପଦ୍ମାସିନୀ ପାଢ଼ୀ ପ୍ରମୁଖ ତାଙ୍କ ଅଭିଭାଷଣ ମାଧ୍ୟମରେ ପୂର୍ବସ୍ମୃତି ଓ ଉପଦେଶ ଦେଇଥିଲେ, ପବିତ୍ରକୁମାର ମାହଣା ସମ୍ବଲପୁରୀ ଗୀତ ଗାଇ ସମସ୍ତଙ୍କ ମନଖୁସି କରିଦେଲେ l ଏହି ଉତ୍ସବରେ ପୂର୍ବତନ ସ୍ବର୍ଗତ ହିନ୍ଦୀ ଶିକ୍ଷକଙ୍କ ସମ୍ମାନ ତାଙ୍କ ସୁପୁତ୍ର ରୁଦ୍ରପ୍ରସାଦ ଗୁରୁ 1991ବେଚର ଛାତ୍ର, ଛାତ୍ରୀ ମାନଙ୍କ ଠାରୁ ଗ୍ରହଣ କଲେ l 2000ବେଚ ଛନ୍ଦପାଲିର ସ୍ବର୍ଗତ ରୋହିଣୀ ଛନ୍ଦଙ୍କ ସମ୍ମାନ ପରିଚୟ ପତ୍ର ତାଙ୍କ ସ୍ୱାମୀ ଓ ସୁପୁତ୍ର ଗ୍ରହଣ କଲେ l ବହୁତ ମଜାମଜଲିସର ଉଭୟ 1991ଓ 2000ବେଚର ସମସ୍ତ ବନ୍ଧୁମାନେ ବନ୍ଧୁମିଳନ ଉତ୍ସବକୁ ପାଳନ କଲେ l ଶେଷରେ ଆସନ୍ତା ନୂତନ ବର୍ଷ 2025 ରେ ବନ୍ଧୁମିଳନ ଉତ୍ସବ କରିବା ପାଇଁ ପ୍ରସ୍ତାବ ନେଲେ l