ଅନୁଗୁଳ (ଅଜିତ୍ କୁମାର ଭୋଇ): ବଅଁରପାଳ, ବ୍ଲକ ଅନ୍ତର୍ଗତ ଗଡ଼ସନ୍ତ୍ରୀସ୍ଥିତ ନେହେରୁ ଉଚ୍ଚ ବିଦ୍ୟାଳୟର ବାର୍ଷିକ ଉତ୍ସବ ଅନୁଷ୍ଠିତ ହୋଇଯାଇଛି l ପ୍ରଧାନ ଶିକ୍ଷୟତ୍ରୀ କଲ୍ୟାଣୀ ପ୍ରଧାନଙ୍କ ପ୍ରତ୍ୟକ୍ଷ ତତ୍ୱାବଧାନରେ ଅନୁଷ୍ଠିତ ଏହି ବାର୍ଷିକ ଉତ୍ସବରେ ମୁଖ୍ୟଅତିଥି ଭାବେ ୨୭ ନଂ ଜୋନ ଜିଲ୍ଲା ପରିଷଦ ସଭ୍ୟ ଗୋପାଳ ଚନ୍ଦ୍ର ନାଏକ ଓ ସମ୍ମାନୀୟ ଅତିଥି ଭାବେ ସ୍ଥାନୀୟ ସରପଞ୍ଚ ଟଙ୍କଧର ବେହେରା ଯୋଗ ଦେଇଥିଲେ l ଏହି ଅବସରରେ ଛାତ୍ରଛାତ୍ରୀଙ୍କ ମଧ୍ୟରେ କ୍ରୀଡା, ଡ୍ରାମା, ନାଚଗୀତ ସହ ଗଣିତ ଓ ବିଜ୍ଞାନରେ କୁଇଜ ପ୍ରତିଯୋଗୀତା ଅନୁଷ୍ଠିତ ହୋଇଥିଲା l
ପାଠପଢା ସହ ଉତ୍ତମ ସ୍ୱାସ୍ଥ୍ୟ ଓ ଶାରୀରିକ ଗଠନ ପାଇଁ ଖେଳକୁଦର ଆବଶ୍ୟକତା ଅଛି ବୋଲି ଉପସ୍ଥିତ ଅତିଥି ମାନେ ପରାମର୍ଶ ଦେବା ସହ କୃତୀ ଛାତ୍ରଛାତ୍ରୀ ମାନଙ୍କୁ ମାନପତ୍ର ଓ ପୁରସ୍କାର ପ୍ରଦାନ କରିଥିଲେ l କାର୍ଯ୍ୟକ୍ରମରେ ଶିକ୍ଷକ ମନୋରଞ୍ଜନ ଆଚାର୍ଯ୍ୟ, ମାରୁତି ସାହୁ, ବୀରେନ୍ଦ୍ର ମହାନ୍ତି, ଅଶୋକ ଜେନା, ସୂର୍ଯ୍ୟକାନ୍ତ ବେହେରା, ପ୍ରଭୁପଦ ଦାସ ଓ ସୁନୀଲ ନାୟକ ପ୍ରମୁଖ ସହଯୋଗ କରିଥିବା ବେଳେ ବିଷ୍ନୁପ୍ରିୟା ମୁର୍ମୁ ମଞ୍ଚ ପରିଚାଳନା କରିଥିଲେ l ଅନୁଗୋଳ ରୁ ଅଜିତ୍ କୁମାର ଭୋଇ ଙ୍କ ରିପୋର୍ଟ