ରାୟଗଡା (ଗୋପୀନାଥ ଗୌଡ଼) : ରାୟଗଡ଼ା ଜିଲ୍ଲାର କାର୍ଯ୍ୟରତ ସାମ୍ବାଦିକ ଦୀପକ ପୃଷ୍ଟିଙ୍କ ମା ସବିତା ପୃଷ୍ଟିଙ୍କ ଆଜି ଦେହାନ୍ତ ହୋଇଛି । ମୃତ୍ୟୁ ବେଳକୁ ତାଙ୍କୁ ୮୫ବର୍ଷ ହୋଇଥିଲା । ଆଜି ସକାଳ ସାଢେ ୯ଟା ସମୟରେ ରାୟଗଡ଼ା ସ୍ଥିତ ବାସଭବନରେ ସେ ଶେଷ ନିଶ୍ୱାସ ତ୍ୟାଗ କରିଥିଲେ । ମୃତ୍ୟୁ ବେଳକୁ ତାଙ୍କ ପାଖରେ ତାଙ୍କ ସାନପୁଅ ଦୀପକ,ବୋହୁ ବିନିତା,ନାତି ସୈାରଭ ଏବଂ ସିଦ୍ଧାର୍ଥଙ୍କ ସହ ଝିଅ ରଂଜିତା,ଜ୍ୱାଇଁ ଟେକେରାଜ ସାହୁ,ନାତୁଣି ରୁବି,ନାତି ମୋହିତଙ୍କ ସମେତ ମଝିଆ ପୁଅ ବିମଳ କୁମାର ପୃଷ୍ଟି ଏବଂ ଅନ୍ୟାନ୍ୟ ସଂପର୍କୀୟ ଉପସ୍ଥିତ ରହିଥିଲେ । ସ୍ୱର୍ଗତ ସବିତା ପୃଷ୍ଟି ଜଣେ ମେଳାପି,ମିଷ୍ଟଭାଷୀ ଓ ଧର୍ମ ପରାୟଣ ମହିଳା ଥିବାରୁ ତାଙ୍କର ବିୟୋଗରେ ଅଂଚଳରେ ଶୋକର ଛାୟା ଖେଳିଯାଇଛି ।
ତାଙ୍କ ବିୟୋଗ ଖବର ପ୍ରସାରିତ ହେବା ପରେ ରାୟଗଡ଼ାର ବହୁ ସାମ୍ବାଦିକ ତାଙ୍କ ଘରେ ପଂହଚି ଶୋକ ସନ୍ତପ ପରିବାକୁ ସମବେଦନା ଜଣାଇବା ସହ ଶୋକ ପ୍ରକାଶ କରିଥିଲେ । ସେହିପରି କୋରାପୁଟ ଲୋକସଭା ସାଂସଦ ସପ୍ତଗିରି ଉଲାକା,ରାୟଗଡ଼ା ବିଧାୟକ କାଡ୍ରକା ଆପଲାସ୍ୱାମୀ,ଶିକ୍ଷାବିତ୍ ଡଃ.ଦୁଷ୍ମନ୍ତ କୁମାର ମହାନ୍ତିଙ୍କ ସମେତ ଜିସିଡି ୱାକର୍ସ କ୍ଳବର ସୁରେନ୍ଦ ସାହୁ ଏବଂ ଅନ୍ୟ ସଦସ୍ୟମାନେ ଶୋକ ପ୍ରକାଶ କରିଛନ୍ତି । ବରିଷ୍ଠ ସାମ୍ବାଦିକ ବାଦଲ କୁମାର ତା’,ଯୋଗଶ୍ୱେର ଦାସ,କେ.କେ.ଜେନା,ସ୍ମୁତିରଂଜନ ମହାନ୍ତିଙ୍କ ସମେତ ଅନ୍ୟମାନେ ଉପସ୍ଥିତ ରହିଥିବା ବେଳେ ପୁରୀ ସ୍ୱର୍ଗଦ୍ୱାର ଠାରେ ତାଙ୍କର ଅନ୍ତିମ ସଂସ୍କାର କରାଯିବ ବୋଲି ସାନପୁଅ ଦୀପକ ଜଣାଇଛନ୍ତି । ପ୍ରକାଶ ଥାଉ କି,ଜଣାଶୁଣା କବି ସ୍ୱର୍ଗତ ସୁନୀଲ କୁମାର ପୃଷ୍ଟି ସବିତା ପୃଷ୍ଟିଙ୍କ ବଡପୁଅ ଥିଲେ ।