ଜଗତସିଂହପୁର/ବିରିଡ଼ି (ଦୀପକ କୁମାର ଭୋଇ) : ରାଜ୍ୟ ସରକାରଙ୍କ ପକ୍ଷରୁ ବିଦ୍ୟାଳୟର ଉର୍ନତି କରଣ ପାଇଁ ବିଭିନ୍ନ ପଦକ୍ଷେପ ଗ୍ରହଣ କରୁଥିବା ବେଳେ ଏବେ ଜଗତସିଂହପୁର ଜିଲ୍ଲା ତିର୍ତୋଲ ନିର୍ବାଚନ ମଣ୍ଡଳୀର ରଘୁନାଥପୁର, ତିର୍ତୋଲ, ଓ ବିରିଡ଼ି ବ୍ଲକର ବିଭିନ୍ନ ସରକାରୀ ଉଚ୍ଚ ବିଦ୍ୟାଳୟରେ ଦୀର୍ଘ ବର୍ଷ ଧରି କିରାଣୀ ଓ ପିଅନ ପଦବି ଖାଲି ପଡ଼ିଥିବା ଜଣାପଡିଛି | ଉଚ୍ଚ ବିଦ୍ୟାଳୟରେ କିରାଣୀ ନଥିବାରୁ ସରକାରଙ୍କ ବିଭିନ୍ନ କାର୍ଯ୍ୟକ୍ରମ ପ୍ରଧାନ ଶିକ୍ଷକ ମାନେ କିରାଣୀ କାମ କରୁଥିବା ଦେଖାଯାଇଛି | ଅନେକ ବିଦ୍ୟାଳୟରେ କିରାଣୀ ଓ ପିଅନ ଅବସର ନେବା ପରେ ଏହି ପଦବୀ ଖାଲି ପଡିଛି | ଫଳରେ ଶିକ୍ଷାଦାନ କରିବାରେ ବାଧାପ୍ରାପ୍ତ ହେଉଥିବା ଅଭିଯୋଗ ହେଉଛି |
.ବିଭିନ୍ନ ସମୟରେ ସରକାରୀ କାର୍ଯ୍ୟକ୍ରମ ପାଇଁ ଛାତ୍ରଛାତ୍ରୀଙ୍କ କାଗଜପତ୍ର କାମ ଠିକ କରିବା ପାଇଁ ପ୍ରଧାନ ଶିକ୍ଷକ ମାନେ ନାନା ଅସୁବିଧାର ସମ୍ମୁଖୀନ ହେଉଥିବା ଅନେକ ବିଦ୍ୟାଳୟ ପକ୍ଷରୁ ବିଧାୟକଙ୍କ ନିକଟରେ ଅଭିଯୋଗ ହୋଇ ଆସୁଛି | ଏହାକୁ ଦୃଷ୍ଟିରେ ରଖି ଶୁକ୍ରବାର ଦିନ ତିର୍ତୋଲର ଯୁବ ବିଧାୟକ ପ୍ରଫେସର ରମାକାନ୍ତ ଭୋଇ ତୁରନ୍ତ ବିଦ୍ୟାଳୟରେ ଖାଲି ପଡ଼ିଥିବା କିରାଣୀ ଓ ପିଅନ ପଦବୀ ପୂରଣ କରିବାକୁ ବିଧାନସଭାରେ ଦାବି ଉପସ୍ଥାପନା କରିଛନ୍ତି