ନୂଆଦିଲ୍ଲୀ (ଶ୍ରୀକ୍ଷେତ୍ର ନ୍ୟୁଜ଼ ବ୍ୟୁର): ୱାକଫ ସଂଶୋଧନ ବିଲ୍ ସମ୍ବନ୍ଧରେ ଆଜି ରାଜ୍ୟସଭାରେ ମତଦାନ ଅନୁଷ୍ଠିତ ହେବ। ରାଜ୍ୟସଭାରେ ଏ ସମ୍ପର୍କରେ ଚର୍ଚ୍ଚା ଚାଲିଛି। ଏହି ସମୟରେ, ଓଡିଶାର ପୂର୍ବତନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଦଳ ବିଜୁ ଜନତା ଦଳ ବିରୋଧୀଙ୍କ ଆଶାକୁ ଏକ ବଡ଼ ଝଟକା ଦେଇଛି। ନବୀନ ପଟ୍ଟନାୟକଙ୍କ ଦଳ ଏକ ବିବୃତ୍ତି ଜାରି କରି କହିଛନ୍ତି ଯେ, ଆଜି ରାଜ୍ୟସଭାରେ ଭୋଟ୍ ଦେବା ପାଇଁ କୌଣସି ହ୍ଵିପ ଜାରି କରାଯାଇ ନାହିଁ।ଏସବୁ ଭିତରେ ସଭିଙ୍କୁ ଚକିତ କରିଛି ବିଜୁ ଜନତା ଦଳ। ପ୍ରଥମେ ଏହି ବିଧେୟକୁ ବିରୋଧ କରୁଥିବା ବିଜେଡି ଏବେ ୟୁଟର୍ଣ୍ଣ ମାରିଛି। ରାଜ୍ୟସଭାରେ ବିବେକ୍ ଅନୁସାରେ ଦଳର ସାଂସଦ ଭୋଟ୍ ଦେବେ ବୋଲି କହିଛି ବିଜେଡି।
ରାଜ୍ୟସଭା ସାଂସଦ ତଥା ବିଜେଡି ନେତା ସସ୍ମିତ ପାତ୍ର କହିଛନ୍ତି, ତାଙ୍କ ଦଳ ଓ୍ଵାକଫ ବିଧେୟକକୁ ବିରୋଧ କରିବନି। ବିଜୁ ଜନତା ଦଳ ସର୍ବଦା ଧର୍ମନିରପେକ୍ଷତା ଓ ସମାବେଶି ସିଦ୍ଧାନ୍ତକୁ ବଜାୟ ରଖି ଆସିଛି। ଦଳ ସବୁ ସମୁଦାୟର ଅଧିକାରକୁ ସୁନିଶ୍ଚିତ କରି ଆସିଛି। ଆମେ ଓ୍ଵାକଫ ସଂଶୋଧନ ବିଧେୟକ ୨୦୨୪ ବିଷୟରେ ସବୁ ସମୁଦାାୟର ବିଭିନ୍ନ ବର୍ଗଙ୍କ ଦ୍ଵାରା ବ୍ୟକ୍ତ କରାଯାଇଥିବା ବିବିଧ ଭାବନାକୁ ସମ୍ମାନ କରୁଛୁ। ଆମ ପାର୍ଟି ଓ୍ଵାକଫ ବିଲ୍ ଉପରେ ସାବଧାନ ପୂର୍ବକ ବିଚାର କରି ବିଧେୟକକୁ ବିଜେଡି ବିରୋଧ କରିବନି। ରାଜ୍ୟସଭାରେ ବିବେକ୍ ଅନୁସାରେ ଦଳର ସାଂସଦ ଭୋଟ୍ ଦେବେ। ଏ ନେଇ ଦଳ ପକ୍ଷରୁ କୌଣସି ହ୍ଵିପ୍ ଜାରି କରାଯାଇନି।