ମୃତ୍ତିକା ଓ ଜଳ ସଂରକ୍ଷଣକୁ ଗୁରୁତ୍ୱ ଦେଉଛି ଅନୁଗୋଳ ବନ ବିଭାଗ; ସବୁଜ ଜଙ୍ଗଲ ଗଠନ ଲକ୍ଷ୍ୟ

ଅନୁଗୋଳ (ଅଜିତ କୁମାର ଭୋଇ) : ଜଙ୍ଗଲର ପରିବେଶଗତ ସନ୍ତୁଳନ ବଜାୟ ରଖିବା ସହ ପ୍ରାକୃତିକ ସମ୍ପଦର ସୁରକ୍ଷା ପାଇଁ ଅନୁଗୋଳ ବନ ବିଭାଗ ପକ୍ଷରୁ ମୃତ୍ତିକା ଓ ଜଳ ସଂରକ୍ଷଣ (SMC) କାର୍ଯ୍ୟକ୍ରମକୁ ଅଧିକ ଜୋରଦାର କରାଯାଇଛି। କ୍ଷେତ୍ରସ୍ତରରେ ବିଭିନ୍ନ ସଂରକ୍ଷଣମୂଳକ ପଦକ୍ଷେପ ଗ୍ରହଣ କରି ଜଙ୍ଗଲର ଜଳଧାରଣ କ୍ଷମତା ବୃଦ୍ଧି ଏବଂ ପରିବେଶ ସୁରକ୍ଷା ଦିଗରେ କାର୍ଯ୍ୟ ଚାଲିଛି।ବିଭାଗ ପକ୍ଷରୁ ମୃତ୍ତିକା କ୍ଷୟ ରୋକିବା, ଭୂତଳ ଜଳସ୍ତର ବୃଦ୍ଧି କରିବା, ବର୍ଷାଜଳ ସଂରକ୍ଷଣ ଏବଂ ଉଦ୍ଭିଦ ବୃଦ୍ଧିକୁ ପ୍ରୋତ୍ସାହନ ଦେବା ଉଦ୍ଦେଶ୍ୟରେ ବୈଜ୍ଞାନିକ ଢଙ୍ଗରେ ବିଭିନ୍ନ କାର୍ଯ୍ୟ କରାଯାଉଛି। ଏହା ଫଳରେ ଜଙ୍ଗଲରେ ଜଳର ଉପଲବ୍ଧତା ବଢ଼ିବା ସହ ଖରା ସମୟରେ ମଧ୍ୟ ପରିବେଶର ସନ୍ତୁଳନ ବଜାୟ ରହିବାରେ ସହାୟକ ହେଉଛି।ବନ ବିଭାଗ କହିଛି, ଏହି ମୃତ୍ତିକା ଓ ଜଳ ସଂରକ୍ଷଣ ପଦକ୍ଷେପ କେବଳ ଜଙ୍ଗଲର ସୁରକ୍ଷା ନୁହେଁ, ବରଂ ଜଳବିଭାଜିକା ପରିଚାଳନାକୁ ସୁଦୃଢ଼ କରି ଦୀର୍ଘମିଆଦିରେ ଏକ ସବୁଜ, ସୁସ୍ଥ ଓ ସ୍ଥାୟୀ ବନ ପରିବେଶ ଗଠନରେ ମଧ୍ୟ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରୁଛି।