ଶ୍ରୀ ମନ୍ଦିରରେ ମହାପ୍ରଭୁ ଜଗନ୍ନାଥଙ୍କ ୧୨ ମାସରେ ୧୩ ପର୍ବ ପାଳିତ ହୋଇଥାଏ। ସମସ୍ତ ପର୍ବ ମଧ୍ୟରେ ଚନ୍ଦଣାଯାତ୍ରା ର ସ୍ଥାନ ଅନନ୍ୟ।ପ୍ରଭୁପ୍ରଚଣ୍ଡ ଗ୍ରୀଷ୍ମ ପ୍ରବାହ ରୁ ରକ୍ଷା ପାଇବାପାଇଁ ଏହି ଯାତ୍ରା କରିଥାନ୍ତି।ଶ୍ରୀ ମନ୍ଦିରରେ ପାଳିତ ହେଉଥିବା ଦ୍ୱାଦଶ ପର୍ବ ମଧ୍ୟରୁ ଅନ୍ୟତମ ଓ ସବୁଠୁ ଦୀର୍ଘ ଅବଧି ଯୁକ୍ତ ପର୍ବ ହେଉଛି ଚନ୍ଦନ ଯାତ୍ରା। ଯାହାକି ମୋଟ ୪୨ଦିନ ଯାଏ ପାଳିତ ହୋଇଥାଏ। ପ୍ରଥମ ୨୧ଦିନ ନରେନ୍ଦ୍ର ପୁଷ୍କରିଣୀରେ ଓ ଅବଶିଷ୍ଟ ୨୧ଦିନ ଶ୍ରୀ ମନ୍ଦିର ଭିତରେ ପାଳିତ ହୋଇଥାଏ।
ଦକ୍ଷିଣ ଘରୁ ୩ଟି ଅଷ୍ଟ ଧାତୁ ନିର୍ମିତ ଚଳନ୍ତି ପ୍ରତିମା ଯଥା ଶ୍ରୀ ମଦନ ମୋହନ,କୃଷ୍ଣ, ବଳରାମ ଓ ରତ୍ନ ସିଂହାସନ ଉପରୁ ଲଷ୍ମୀ(ଶ୍ରୀଦେବୀ)ଙ୍କ ସୁବର୍ଣ୍ଣ ପ୍ରତିମା, ସରସ୍ବତୀ (ଭୁଦେବୀ )ଙ୍କ ରୌପ୍ୟ ପ୍ରତିମା ବାହାର ଚନ୍ଦନ ଯାତ୍ରା ରେ ଭାଗ ନିଅନ୍ତି। ସମୁଦାୟ ୧୦ଗୋଟି ପ୍ରତିମା ୩ ଗୋଟି ବିମନରେ ବିରାଜମାନ ହୋଇଥାନ୍ତି। ପ୍ରଥମ ଓ ସବୁଠୁ ସୁଦୃଶ୍ୟ ବିମନରେ ମଦନମୋହନ, ଶ୍ରୀଦେବୀ, ଭୁଦେବୀ ଯାତ୍ରା କରିଥାନ୍ତି ତାଙ୍କ ପଛରେ ବଳରାମ ଓ କୃଷ୍ଣ ବାହାରିଥାନ୍ତି। ଅନ୍ୟ ୫ଗୋଟି ବିମନରେ ପଞ୍ଚୁ ପାଣ୍ଡବ ନାମାଧାରୀ ପଞ୍ଚ ମହାଦେବ ଯାଇଥାନ୍ତି। ସେଠାରେ ସୁସଜିତ ନୌକା ରେ ଚାପ ଖେଳିଥାନ୍ତି।
ଶୁଣିବାକୁ ମିଳେ ଯେ ରାଜା ଚୋଡ଼ଗଙ୍ଗ ଦେବ ଜଗନ୍ନାଥ ବଲ୍ଲବ ବେଣ୍ଟ ପୋଖରୀରେ ଠାକୁରଙ୍କୁ ନୌକା ବିହାର କରାଇଥିଲେ। କୁହାଯାଏ ଗଜପତି କପିଳେନ୍ଦ୍ର ଦେବଙ୍କ ଭାଇ ନରେନ୍ଦ୍ର ଦେବ ନିଜର ୧୪ ପୁଅଙ୍କ ସହ ଯୁଦ୍ଧ ରେ ପ୍ରାଣ ବଳି ଦେଇଥିବା ସ୍ମୃତି ରେ ନରେନ୍ଦ୍ର ସରୋବର ଖନନ ହୋଇଥିଲା। ପରେ ଉକ୍ତ ସରୋବରରେ ଚନ୍ଦନ ଯାତ୍ରା ଆରମ୍ଭ କରାଯାଇଥିଲା।