ଭୁବନେଶ୍ୱର :ଦଳ ବିରୋଧୀ କାର୍ଯ୍ୟ ଅଭିଯୋଗରେ ବିଜୟଙ୍କୁ ବହିଷ୍କାର କରିଛି ବିଜେ ପି । ବିଜେପି ରାଜ୍ୟ ସଭାପତିଙ୍କ ନିର୍ଦ୍ଦେଶକ୍ରମେ ଏହି କାର୍ଯ୍ୟାନୁଷ୍ଠାନ ନିଆଯାଇଛି। ବିଜୟ ମହାପାତ୍ରଙ୍କ ସହ ଶାରଦା ପ୍ରଧାନ ଓ ରାକେଶ ମଲ୍ଲିକଙ୍କୁ ମଧ୍ୟ ବିଜେପି ବହିଷ୍କୃତ କରିଛି ।
odia news
ବିଜୟ ମହାପାତ୍ରଙ୍କ ପୁଅ ଅରବିନ୍ଦ ମହାପାତ୍ର ପାଟକୁରାରୁ ବିଜେଡି ଟିକେଟରେ ଲଢୁଛନ୍ତି ।ବିଜେପିରୁ ଟିକେଟ ନମିଳିବାରୁ ଶାରଦା ପ୍ରଧାନ ମାହାଙ୍ଗାରୁ ସ୍ୱାଧୀନ ଭାବେ ନାମାଙ୍କନ କରିଥିବା ବେଳେ ରାକେଶ ମଲ୍ଲିକ ମଧ୍ୟ ସୋରରୁ ସ୍ୱାଧୀନ ଭାବେ ପ୍ରାର୍ଥୀ ହୋଇଛନ୍ତି ।
odia news
ସୂଚନାଯୋଗ୍ୟ ଯେ ଏଥି ମଧ୍ୟରେ କାର୍ଯ୍ୟାନୁଷ୍ଠାନ ନେଇ ପ୍ରତିକ୍ରିୟା ରଖିଛନ୍ତି ବିଜୟ ମହାପାତ୍ର । ସେ କହିଛନ୍ତି, ମୁଁ ୫/୭ ବର୍ଷ ହେଲା ଦଳରେ ନଥିଲି । ଏକଥା ସମସ୍ତେ ଜାଣନ୍ତି, ରାଜ୍ୟ ବିଜେପି ସଭାପତି ବି ଜାଣନ୍ତି । ଦଳକୁ ଯିଏ ଛାଡିସାରିଛି ତାକୁ ବହିଷ୍କାର କରିବା ହାସ୍ୟାସ୍ପଦ।