ଭୁବନେଶ୍ୱର :ଆଜିକାଲି ସାଇବର ଠକଙ୍କ କବଳରେ ଅନେକ ଲୋକ ପଡି ଠକାମିର ଶିକାର ହେବାର ଅନେକ ଘଟଣା ଦେଖିବାକୁ ବା ଶୁଣିବାକୁ ମିଳିଥାଏ l ବିଭିନ୍ନ ଉପାୟ ରେ ସାଇବର ଠକ ମାନେ ଲୋକଙ୍କୁ ଠକିଥାନ୍ତି l ତେବେ ଏବେ ସାଇବର ଅପରାଧିଙ୍କ ନୂଆ ପ୍ଲାନ ଆପଣଙ୍କ ଭୋଟର ଆଇଡି ହଜିଯାଇଛି ଆମେ ନୂଆ ଭୋଟର ଆଇଡି ପାଇଁ ଲିଙ୍କ ପଠାଇଲୁ ଆପଣ ତା ଉପରେ କ୍ଲିକ କରନ୍ତୁ । ଯିଏ ସେହି ଲିଙ୍କରେ କ୍ଲିକ କରୁଛି ତା ଆକାଉଣ୍ଟ ଖାଲି ହୋଇଯିବାର ଅନେକ ଘଟଣା ପଦାକୁ ଆସିଲାଣି ।
ସେହିଭଳି ବର୍ତ୍ତମାନ ନିର୍ବାଚନ ସମୟରେ ବିଭିନ୍ନ ଦଳ ନାଁରେ ଆସୁଛି ଫେକ କଲ। ଆପଣଙ୍କ ପାଖକୁ ଲିଙ୍କ ଗଲା। ସେଥିରେ କ୍ଲିକ କଲେ ଆପଣଙ୍କ ଫୋନରେ ଅନ ଲିମିଟେଡ ରିଚାର୍ଜ ହେବ। ଯିଏ ଏହି ଲିଙ୍କରେ କ୍ଲିକ କଲା ତା ଆକାଉଣ୍ଟ ଖାଲି। ଏହି ସବୁ ଅଫରରୁ ଦୂରେଇ ରହିବାକୁ ଭୁବନେଶ୍ବର ଡିସିପି ଅପିଲ କରିଛନ୍ତି। ଠକେଇର ଶିକାର ବ୍ୟକ୍ତି 1930ରେ ତୁରନ୍ତ ଅଭିଯୋଗ କରିବାକୁ ସେ ଲୋକ ମାନଙ୍କୁ ଅନୁରୋଧ କରିଛନ୍ତି। ଯାହା ଫଳରେ ପୋଲିସ ତ୍ୱରିତ ପଦକ୍ଷେପ ନେଇପାରିବ।