ପୁରୀ :ସରକାରଙ୍କ ତରଫରୁ ଆଇଏଏସ୍ ଅରବିନ୍ଦ ପାଢ଼ୀଙ୍କୁ ନୂଆ ଦାୟିତ୍ବ ମିଳିଛି । ଶ୍ରୀ ପାଢ଼ୀ ଓଡିଶା କ୍ୟାଡରର ୧୯୯୬ ମସିହା ବ୍ୟାଚର ଆଇଏଏସ। ଶ୍ରୀମନ୍ଦିର ମୁଖ୍ୟ ପ୍ରଶାସକ ହେଲେ ଅରବିନ୍ଦ ପାଢ଼ୀ। ଆଇଏଏସ୍ ବୀର ବିକ୍ରମ ଯାଦବଙ୍କ ଅନୁପସ୍ଥିତି ଯୋଗୁଁ ଅରବିନ୍ଦ ପାଢ଼ୀଙ୍କୁ ଏହି ଦାୟିତ୍ବ ପ୍ରଦାନ କରାଯାଇଛି । ତେବେ ୨୧ ଦିନିଆ ଛୁଟିରେ ଅଛନ୍ତି ବୀର ବିକ୍ରମ ଯାଦବ । ବୀର ବିକ୍ରମଙ୍କ ଅନୁପସ୍ଥିତରେ ଅରବିନ୍ଦଙ୍କୁ ଦାୟିତ୍ବ ପ୍ରଦାନ କରାଯାଇଛି ।
ଶ୍ରୀମନ୍ଦିର ମୁଖ୍ୟ ପ୍ରଶାସକ ଭାବେ ଅତିରିକ୍ତ ଦାୟିତ୍ୱ ଦିଆଯାଇଛି କୃଷି ବିଭାଗର ପ୍ରମୁଖ ଶାସନ ସଚିବ ଅରବିନ୍ଦ ପାଢ଼ୀଙ୍କୁ । ଶ୍ରୀମନ୍ଦିର ମୁଖ୍ୟ ପ୍ରଶାସକ ଭାବେ ଅତିରିକ୍ତ ଦାୟିତ୍ୱରେ ଥିବା ବୀର ବିକ୍ରମ ଯାଦବ ୨୧ ଦିନିଆ ବିଦେଶ ଗସ୍ତରେ ଯାଇଛନ୍ତି। ଅରବିନ୍ଦ ପାଢ଼ୀ ପୂର୍ବରୁ ଶ୍ରୀମନ୍ଦିର ମୁଖ୍ୟ ପ୍ରଶାସକ ଥିଲେ । ତେଣୁ ତାଙ୍କର ଶ୍ରୀମନ୍ଦିର ପରିଚାଳନାର ବିଶେଷ ଅଭିଜ୍ଞତା ରହିଛି ।ଚଳିତ ନିର୍ବାଚନ ଓ ରଥଯାତ୍ରାକୁ ଦୃଷ୍ଟିରେ ରଖି ତାଙ୍କୁ ଏହି ଅତିରିକ୍ତ ଦାୟିତ୍ୱ ମିଳିଛି ।
ଶ୍ରୀ ଯାଦବ ଫେରିବା ପରେ ସେ ପୁଣି ଶ୍ରୀମନ୍ଦିର ମୁଖ୍ୟ ପ୍ରଶାସକ ଦାୟିତ୍ୱ ନେବେ । ଶ୍ରୀମନ୍ଦିର ସ୍ଥାୟୀ ମୁଖ୍ୟ ପ୍ରଶାସକ ଦାୟିତ୍ୱ ସରକାର ହଟାଇ ଦେବା ପରେ ଏପର୍ଯ୍ୟନ୍ତ ଏଠାରେ ପୂର୍ଣ୍ଣକାଳୀନ ମୁଖ୍ୟ ପ୍ରଶାସନ ନିଯୁକ୍ତି ଦ୍ୱନ୍ଦ୍ୱ ଲାଗି ରହିଛି । ସୁପ୍ରିମକୋର୍ଟ ସ୍ଥାୟୀ ମୁଖ୍ୟ ପ୍ରଶାସକ ନିଯୁକ୍ତି ସାଙ୍ଗକୁ ଶ୍ରୀମନ୍ଦିରରେ ଶୃଙ୍ଖଳା ରକ୍ଷା ନିମନ୍ତେ ନିର୍ଦ୍ଦେଶ ଦେଇଥିଲେ । ହେଲେ ଏପର୍ଯ୍ୟନ୍ତ ସେ ନିର୍ଦ୍ଦେଶ ପାଳନ କରିନାହାନ୍ତି। ସେପଟେ ଆସନ୍ତା ଜୁନ୍ ୪ରେ ଭୋଟ ଗଣତି ଓ ଫଳାଫଳ ପରେ ରଥଯାତ୍ରା ପାଇଁ ୨୦ ତାରିଖ ସୁଦ୍ଧା ଶ୍ରୀମନ୍ଦିର ପରିଚାଳନା କମିଟି ବୈଠକ ବସିବାକୁ ପ୍ରସ୍ତୁତି ହେଉଛି ।
