ମହାମହିମ ରାଷ୍ଟ୍ରପତି ନିଜର ମତାଧିକାର ସାବ୍ୟସ୍ତ କଲେ

ନୂଆଦିଲ୍ଲୀ :ଗଣତନ୍ତ୍ରର ମହା ପର୍ବରେ ସାମିଲହୋଇ ମତାଧିକାର ସାବ୍ୟସ୍ତ କଲେ ରାଷ୍ଟ୍ରପତି ଦ୍ରୌପଦୀ ମୁର୍ମୁ । ନୂଆଦିଲ୍ଲୀର ଡ.ରାଜେନ୍ଦ୍ର ପ୍ରସାଦ କେନ୍ଦ୍ରୀୟ ବିଦ୍ୟାଳୟର ବୁଥରେ ପହଞ୍ଚି ଭୋଟ ଦେଇଛନ୍ତି ରାଷ୍ଟ୍ରପତି ।ମତଦାନ କରିବା ପରେ ବେଶ ଉତ୍ସାହିତ ଦେଖାଯାଇଥିଲେ ଦ୍ରୌପଦୀ ମୁର୍ମୁ ।

ରାଷ୍ଟ୍ରପତି ହେବା ପରେ ପ୍ରଥମଥର ପାଇଁ ନିର୍ବାଚନରେ ଭୋଟ ଦେଇଛନ୍ତି ଦ୍ରୌପଦୀ ମୁର୍ମୁ । ରାଷ୍ଟ୍ରପତି ଭାବେ ନିର୍ବାଚିତ ହେବା ପରେ ଗତବର୍ଷ ଦ୍ରୌପଦୀ ମୁର୍ମୁ ନିଜର ଭୋଟର ପରିଚୟପତ୍ର ଦିଲ୍ଲୀକୁ ସ୍ଥାନାନ୍ତରିତ କରିଥିଲେ । ଏହାପୂର୍ବରୁ ଓଡ଼ିଶାରେ ଦ୍ରୌପଦୀ ମୁର୍ମୁଙ୍କର ଭୋଟର ଆଇଡି କାର୍ଡ ରହିଥିଲା।

ଭୋଟ୍ ଦେବା ପରେ ସେ ନିଜର କାଳି ଲଗାଯାଇଥିବା ଆଙ୍ଗୁଳି ଦେଖାଇ ଭୋଟଦେବାକୁ ଭୋଟରଙ୍କ ମଧ୍ୟରେ ସଚେତନତଚା ସୃଷ୍ଟି କରିଛନ୍ତି। କିନ୍ତୁ ସେ ଉପସ୍ଥିତ ଗଣମାଧ୍ୟମ ସହିତ କୌଣସି କଥାବାର୍ତ୍ତା ନ କରି ‌ଘରକୁ ଫେରି ଯାଇଥିଲେ।