ଦେଶରେ ୫୪୩ ଲୋକସଭା ଆସନ ଓ କିଛି ରାଜ୍ୟର ବିଧାନସଭା ଆସନ ପାଇଁ ଲୋକମାନେ ଦେଇଛନ୍ତି ଭୋଟ। ମୋଟ ୭ଟି ପର୍ଯ୍ୟାୟରେ ଭୋଟିଂ କରିଛି ଦେଶ। ଜନତା ଆସନ୍ତା ୫ ବର୍ଷ ପାଇଁ ନିଜର ସରକାର ବାଛି ସାରିଛନ୍ତି।
loksabha election 2024 exit poll
ଦେଶରେ ଶେଷ ପର୍ଯ୍ୟାୟ ନିର୍ବାଚନ ହେବା ସହ ବିଭିନ୍ନ ସର୍ଭେ ସଂସ୍ଥାଙ୍କ ଦ୍ବାରା କରାଯାଇଥିବା ବୁଥ ବାହୁଡ଼ା ସର୍ଭେ ବା ଏକଜିଟ ପୋଲ୍ ରିପୋର୍ଟ ଆସିଛି । ଅଧିକାଂଶ ସଂସ୍ଥଙ୍କ ଆକଳନରୁ ଜଣାପଡ଼ିଛି ଯେ ଏଥର ପୁଣି ଥରେ ଦେଶରେ ମୋଦୀ ସରକାର ହେବାକୁ ଯାଉଛି ।
loksabha election 2024 exit poll
ରିପବ୍ଲିକ ଭାରତ ଆକଳନ ଅନୁଯାୟୀ ଭାରତୀୟ ଜନତା ପାର୍ଟି ନେତୃତ୍ୱରେ ଏନଡିଏ ୩୫୩ରୁ ୩୬୮ ଆସନରେ ବିଜୟୀ ହେଉଥିଲା ବେଳେ, କଂଗ୍ରେସ ନେତୃତ୍ୱରେ ଇଣ୍ଡିଆ ମିଳିତ ମଞ୍ଚ ୧୧୮ ରୁ ୧୩୫ ଆସନରେ ବିଜୟୀ ହେଉଛି। ଏହି ଦୁଇ ପ୍ରମୁଖ ଗୋଷ୍ଠୀ ଅନ୍ୟମାନେ ୪୩ ରୁ ୪୮ ଆସନରେ ବିଜୟୀ ହେଉଛନ୍ତି।
loksabha election 2024 exit poll
ସେହିପରି ଅନ୍ୟତମ ପ୍ରମୁଖ ଜନ କି ବାତ ଆକଳନ ଅନୁଯାୟୀ ଏନଡିଏ ୩୬୨ରୁ ୩୯୨ ଆସନରେ ବିଜୟୀ ହୋଇପାରେ। ଅନ୍ୟପଟେ ଇଣ୍ଡିଆ ମିଳିତ ମଞ୍ଚ ୧୨୫ ଆସନରେ ବିଜୟୀ ହେଉଥିଲା ବେଳେ ଅନ୍ୟମାନେ ୧୦ ରୁ ୨୦ ଆସନରେ ବିଜୟୀ ହେବେ।
ଏନଡିଟିଭି ଆକଳନ ଅନୁଯାୟୀ ମୋଦିଙ୍କ ନେତୃତ୍ୱରେ ଏନଡିଏକୁ ୩୬୫ ଆସନରେ ବିଜୟୀ ହେଉଛି।ଇଣ୍ଡିଆ ମିଳିତ ମଞ୍ଚ ୧୪୨ ବିଜୟୀ ହୋଇପାରେ ଏବଂ ଅନ୍ୟମାନଙ୍କୁ ୩୬ ଆସନ ମିଳିପାରେ।
ନ୍ୟୁଜ ନେସନ ଆକଳନ ଅନୁଯାୟୀ ଏନଡିଏ ୩୪୨ ଆସନରୁ ୩୭୮ ହେଉଥିଲା ବେଳେ ଇଣ୍ଡିଆ ମିଳିତ ମଞ୍ଚ ୧୫୩ ରୁ ୧୬୯ ଆସନରେ ବିଜୟୀ ହୋଇପାରେ ଏବଂ ଅନ୍ୟମାନଙ୍କୁ ୨୧ରୁ ୨୩ ଆସନ ମିଳିପାରେ।
ଇଣ୍ଡିଆ ନ୍ୟୁଜ ଡି-ଡାଇନାମିକ୍ସ ଆକଳନ ଅନୁଯାୟୀ ଏନଡିଏ ୩୭୧ ଜିତି ପାରେ।ଇଣ୍ଡିଆ ମିଳିତ ମେଣ୍ଟ ୧୪୧-୧୬୧ ଆସନରେ ବିଜୟୀ ହୋଇପାରେ ଏବଂ ଅନ୍ୟମାନେ ୪୭ ଆସନରେ ବିଜୟୀ ହୋଇପାରନ୍ତି।
ତେବେ ଦୈନିକ ଭାସ୍କର ଆକଳନ ସମସ୍ତ ଆକଳନ ଠାରୁ ଟିକିଏ ଭିନ୍ନ ରହିଛି। ଏହାର ଆକଳନ ଅନୁଯାୟୀ ଏନଡିଏ ୨୮୧ ଆସନରୁ ୩୫୦ ଆସନରେ ବିଜୟୀ ହେଉଛି। ଇଣ୍ଡିଆ ମେଣ୍ଟକୁ ୧୪୫ ଆସନରୁ ୨୦୧ ଆସନ ମିଳିପାରେ ଏବଂ ଅନ୍ୟଙ୍କୁ ୩୩ରୁ ୪୯ ଆସନରେ ମିଳିପାରେ।