ଭୁବନେଶ୍ୱର ଦୀର୍ଘ ୨୪ ବର୍ଷର ରାଜୁତି ଗୋଟେ ଝଟକାରେ ସରିଗଲା।ତେବେ କେବଳ ଏତିକିରେ ସରିନି ବିଜେଡିର ଖରାପସମୟ । ରବିବାର ହଠାତ୍ ରାଜନୀତିରୁ ସନ୍ନ୍ୟାସ ନେଇଛନ୍ତି ୨ୟ କ୍ଷମତା କେନ୍ଦ୍ର ଭିକେ ପାଣ୍ଡିଆନ ।ପୂର୍ବରୁ ଆଇଏଏସ ଚାକିରୀ ଛାଡିଲେ,ଏବେ ରାଜନୀତି ଛାଡିଲେ ବୋଲି ଘୋଷଣା କଲେ କାର୍ତ୍ତିକ ପାଣ୍ଡିଆନ। ଭିଡିଓ ବାର୍ତ୍ତା ଜାରି କରି ବିଜେଡିର କାର୍ଯ୍ୟକର୍ତ୍ତାଙ୍କୁ କ୍ଷମା ମାଗିବା ସହିତ ସକ୍ରିୟ ରାଜନୀତିରୁ ଅବସର ଘୋଷଣା କରିଛନ୍ତି ପାଣ୍ଡିଆନ । ଭିଡିଓ ବାର୍ତ୍ତା ଜାରି କରି ନିଜ ସନ୍ୟାସ ଘୋଷଣା କଲେ ପାଣ୍ଡିଆନ।
ରାଜନୀତିରୁ ସନ୍ୟାସ ନେଲି ବୋଲି ଘୋଷଣା କରିବା ପରେ ତାଙ୍କୁ ବିଭିନ୍ନ ଗଣମାଧ୍ୟମ ପରବର୍ତ୍ତି ପଦକ୍ଷେପ ସଂପର୍କରେ ପଚାରିଛନ୍ତି।
ତେବେ ପାଣ୍ଡିଆନ କହିଛନ୍ତି ଯେ, ମୁଁ ଓଡିଶାରେ ମୁଖ୍ୟମନ୍ତ୍ରୀ ହେବାକୁ ରାଜନୀତିକୁ ଆସି ନ ଥିଲି, ଏପରିକି ବିଜେଡିର କୌଣସି ପଦପଦବୀରେ ମଧ୍ୟ ନେଇ ନ ଥିଲି। ମୋର ଏକମାତ୍ର ଲକ୍ଷ୍ୟ ଥିଲା ନବୀନ ପଟ୍ଟନାୟକଙ୍କୁ ଷଷ୍ଠଥର ମୁଖ୍ୟମନ୍ତ୍ରୀ ଆସନରେ ବସାଇବି। ହେଲେ ତାହା ସଫଳ ହେଲାନାହିଁ।
ବିଜେଡିର ବିପର୍ଯ୍ୟୟ ପରେ ମୁଁ ନିଜକୁ ଦୋଷୀ ମନେକରି ରାଜନୀତିରୁ ସନ୍ୟାସ ନେଲି। ତେବେ ଭବିଷ୍ୟରେ ମୁଁ କଣ କରିବି ଏ ପର୍ଯ୍ୟନ୍ତ ଚିନ୍ତା କରି ନାହିଁ ବୋଲି କହିଛନ୍ତି ପାଣ୍ଡିଆନ। ମୋର ଭବିଷ୍ୟତ ଭଗବାନ ଜାଣିଥିବେ ମୁଁ କିଛି ଜାଣି ନାହିଁ ବୋଲି ପାଣ୍ଡିଆନ କହିଛନ୍ତି।