ଲୋକସଭା ବାଚସ୍ପତି ଚୟନରେ ଏହି ଦୁଇ ନାମ ସର୍ବାଗ୍ରେ

ନୂଆଦିଲ୍ଲୀ :ଏନଡିଏ ସହଯୋଗୀଙ୍କ ମଧ୍ୟରେ ବାଚସ୍ପତି ଚୟନକୁ ନେଇ ଚାଲିଛି କସରତ। ଲୋକ ସଭାରେ ବାଚସ୍ପତି କିଏ ହେବେ, ତା’କୁ ନେଇ ସସପେନ୍ସ ଜାରି ରହିଛି। ଭାଜପା ଏହି ପଦର ମହତ୍ୱ ଓ ଗୁରୁତ୍ୱ ଦୃଷ୍ଟିରୁ ନିଜ ହାତ ଛଡା କରିବାକୁ ଚାହୁଁନି। କିନ୍ତୁ ଚନ୍ଦ୍ରବାବୁ ନାଇଡ଼ୁ ଓ ନୀତିଶ କୁମାର ତା ରାସ୍ତାର ଦୁଇ କଣ୍ଟା ସଦୃଶ। ଏହାରି ଭିତରେ ମିଳିଛି ଏକ ଗୁରୁତ୍ୱପୂର୍ଣ ଖବର।

ସୂଚନାନୁଯାୟୀ, ବାଚସ୍ପତି ଦୌଡରେ ସବୁଠାରୁ ଆଗରେ ଅଛନ୍ତି ଓଡ଼ିଶାର କଟକରୁ ଜିତିଥିବା ଭର୍ତ୍ତୃହରି ମହାତବ ଓ ଆନ୍ଧ୍ରର ରାଜାମୁନ୍ଦ୍ରୀ ଆସନରୁ ଜିତିଥିବା ଡି ପୁରନ୍ଦେଶ୍ୱରୀ। ଏହି ଦୁଇ ରାଜ୍ୟରେ ଭାଜପା ଭଲ ପ୍ରଦର୍ଶନ କରିଥିବା ଭାଜପା ଜଣଙ୍କୁ ବାଚସ୍ପତି ବାଛିପାରେ ବୋଲି କୁହାଯାଉଛି।

ଭର୍ତ୍ତୃହରି ୨୦୨୪ ନିର୍ବାଚନର ଠିକ ପୂର୍ବରୁ ବିଜେଡି ଛାଡି ଭାଜପାରେ ମିଶିଥିଲେ। ତାଙ୍କୁ ଦଳ ଟିକେଟ ଦେଇଥିଲା ଓ ସେ କଟକରୁ ବିଜୟୀ ହୋଇଛନ୍ତି। ଲୋକ ସଭାରେ ତାଙ୍କର ଅଭିଜ୍ଞତା ମଧ୍ୟ ଅଧିକ ରହିଛି। ସେ ଗୃହକୁ ଠିକ ଭାବରେ ତୁଲାଇବେ ବୋଲି ଆଶା ଓ ଆଲୋଚନା।

Leave a Reply

Your email address will not be published. Required fields are marked *

error: Content is protected !!
Open chat
ଜୟ ଜଗନ୍ନାଥ 🙏🏻
ଶ୍ରୀକ୍ଷେତ୍ର ନ୍ୟୁଜକୁ ସ୍ୱାଗତ