ପୁରୀ : ଚଳିତବର୍ଷ ବିଶ୍ଵାପ୍ରସିଦ୍ଧ ରଥଯାତ୍ରାର ସୁପରିଚାଳନା ପାଇଁ ସରକାର, ଶ୍ରୀମନ୍ଦିର ପ୍ରଶାସନ, ସେବାୟତ ଘନ ଘନ ବୈଠକ କରୁଛନ୍ତି। ଜୁଲାଇ ୭ ଓ ୮ ଦୁଇ ଦିନ ଧରି ରଥଯାତ୍ରା ଚାଲିବାକୁ ଥିବାରୁ ଉଭୟ ପୁଲିସ ପ୍ରଶାସନ ଓ ନୂଆ ରାଜ୍ୟ ସରକାରଙ୍କ ପାଇଁ ବଡ଼ ଚ୍ୟାଲେଞ୍ଜ ହୋଇଛି।
ସୂଚନା ଅନୁଯାୟୀ, ଜୁଲାଇ ୬ରୁ ୯ ତାରିଖ ପର୍ଯ୍ୟନ୍ତ ୪ ଦିନିଆ ଓଡ଼ିଶା ଗସ୍ତରେ ଆସିବେ ରାଷ୍ଟ୍ରପତି ।ରାଷ୍ଟ୍ରପତିଙ୍କ ବ୍ୟତୀତ ସ୍ୱରାଷ୍ଟ୍ର ମନ୍ତ୍ରୀ ଅମିତ ଶାହ ଏବଂ ଅନ୍ୟ କେନ୍ଦ୍ରମନ୍ତ୍ରୀ ଓ ପ୍ରମୁଖ ବ୍ୟକ୍ତିବିଶେଷ ସାମିଲ ହେବେ। ଏନେଇ ଜିଲ୍ଲା ପ୍ରଶାସନ ଓ ପୁଲିସ ପ୍ରଶାସନ ନିକଟରେ ଖବର ପହଞ୍ଚିଛି ।
ରାଷ୍ଟ୍ରପତିଙ୍କ ଗସ୍ତ ବିଷୟରର ଜଣାପଡିବା ପରେ ପୋଲିସ ପ୍ରଶାସନ ସୁରକ୍ଷାଯୋଗାଇଦେବାକୁ ପ୍ରସ୍ତୁତ ବୋଲି ଜଣେ ବରିଷ୍ଟ ପୋଲିସ ଅଫିସର ଜଣାଇଛନ୍ତି।ରାଷ୍ଟ୍ରପତି ଓ ସ୍ୱରାଷ୍ଟ୍ର ମନ୍ତ୍ରୀ ୭ ତାରିଖରେ ପୁରୀରେ ପହଞ୍ଚିବେ ଓ ୮ ତାରିଖ ପର୍ଯ୍ୟନ୍ତ ରହିବେ । ଦୁଇଦିନ ଧରି ରାଷ୍ଟ୍ରପତି ପୁରୀରେ ରହିବାର ଯୋଜନା ରହିଛି । ପ୍ରତ୍ୟେକ ବର୍ଷ ଭଳି ଏଥର ମଧ୍ୟ ରଥଯାତ୍ରାରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀଙ୍କ ଏବଂ ଅନ୍ୟ ମନ୍ତ୍ରୀମାନେ ସାମିଲ ହେବେ ।