ବରଗଡ ( ମୁକୁନ୍ଦ ଦାସ ) : ଭଙ୍ଗା ଦଦରା ଘରେ ବିତୁଛି ଜୀବନ ବର୍ତମାନ ଆଧୁନିକ ଯୁଗରେ ବିଜ୍ଞାନର ଅଗ୍ରଗତି, ଉଦ୍ଭାବନ ବଳରେ ଲୋକମାନେ ଆକାଶରେ ଉଡ଼ି ଚନ୍ଦ୍ରମାରେ ପହଞ୍ଚି ଗଲେଣି ,ଭାରତରେ ଆଜାଦିର ଅମୃତ ମହୋତ୍ସବ ପାଳନ ହେଉଛି, ଗରୀବ ଅସହାୟ ଲୋକଙ୍କ ସହଯୋଗ ପାଇଁ କେନ୍ଦ୍ର ଓ ରାଜ୍ୟ ସରକାରଙ୍କର ଗୁଡ଼ାଏ ଯୋଜନା କାର୍ଯ୍ୟକାରୀ ହେଉଥିବା ସ୍ଥଳେ ଏବେ ମଧ୍ୟ ଲୋକେ ବଞ୍ଚିତ ଅଛନ୍ତି ଏହି ଯୋଜନାରୁ । ତାହାର ଏକ ନଗ୍ନଚିତ୍ର ,ଏକ ଅଭାବନୀୟ ଘଟଣା ଦେଖିବାକୁ ମିଳିଛି ବରଗଡ଼ ଜିଲ୍ଲା, ଅମ୍ବାଭୋନା ବ୍ଳକର ବୁଙ୍ଗାପାଲି ଗ୍ରାମରେ ଚତୁର୍ଭୁଜ ମହାନନ୍ଦ ୭୩ ବର୍ଷଙ୍କ ମୃତ୍ୟୁ ହୋଇଛି l
ଗତ ତା ୧୩.୯.୨୪ ଦିନ।ଘରେ କେବଳ ମାତ୍ର ବିଧବା ପତ୍ନୀ ସକୃତା ମହାନନ୍ଦ। ପରିତାପର ବିଷୟ ଏହା ଯେ ମରିଯିବା ପର୍ଯ୍ୟନ୍ତ ଗୋଟିଏ ଛାତ କିମ୍ବା ଛପର ଘରେ ଶୋଇବା, ବିଜୁଳି ଆଲୁଅରେ ରହିବା ଭାଗ୍ୟରେ ନଥିଲା । ଝାଟିମାଟି ଜରି ପୋଲିଥିନ୍ ଢଙ୍କା କୁଡିଆ ତଲେ ଅନାବନା ଘାସ ପରିସରରେ ଅତ୍ୟନ୍ତ ଶୋଚନୀୟ ସ୍ଥିତିରେ ମୃତ୍ୟୁ ଘଟିଛି। ଗ୍ରାମବାସୀଙ୍କ ସହାୟତାରେ ଶବ ସତ୍କାର କରାହେଲା। ବିଡମ୍ବନା ର ବିଷୟ ଏହା ଯେ ଏ ସବୁ ଘଟଣା ପ୍ରତି ନାଁ ସ୍ଥାନୀୟ ପ୍ରତିନିଧିମାନଙ୍କର ଦୃଷ୍ଟି ରହୁଛି ନାଁ ପ୍ରଶାସନର । ଦେଖିବାକୁ ବାକି ରହିଲା ପରବର୍ତ୍ତୀ ସମୟରେ ବିଧବା ସୁକୃତା କୁ ସମାଜରେ ବଞ୍ଚିବା କୁ ମୋୖଲିକ ଅଧିକାର ମିଲି ପାରୁଛି କି ନାହିଁ ବୋଲି ବାରପାହାଡ଼ କୃଷକ ସଂଗଠନ ପ୍ରଶ୍ନ କରିଛି।