ସୁବର୍ଣ୍ଣପୁର (ରିପୋର୍ଟ – ଶାନ୍ତନୁ କୁମାର କର୍ଣ୍ଣ )- ସୁବର୍ଣ୍ଣପୁର ଜିଲ୍ଲା ସଦର ଢେରାପଡ଼ା ସ୍ଥିତ ବୁଢୀମା କଲ୍ୟାଣ ମଣ୍ଡପ ଠାରେ ଜିଲ୍ଲା ସତ୍ୟସାଇ ସେବା ସଂଗଠନ ଅନୁକୁଲ୍ୟରେ ମଣ୍ଡଳ ସ୍ତରୀୟ ଦୁଇ ଦିନିଆ ପ୍ରାକୃତିକ ବିପର୍ଯୟ ମୁକାବିଲା ମହିଳା ତାଲିମ୍ ଶିବିର ଅନୁଷ୍ଠିତ ହୋଇଯାଇଛି। ଏହି କାର୍ଯ୍ୟକ୍ରମ କୁ ପୌରପରିଷଦ ଅଧ୍ୟକ୍ଷ। ତମସା ତାମସ୍ମିତ ନାଏକ ମୂଖ୍ୟଅତିଥି ଭାବେ ଯୋଗ ଦେଇଥିଲେ। ରାଜ୍ୟ ମହିଳା ସତ୍ୟସାଇ ସେବା ସଂଯୋଜିକ ସୁଶ୍ରୀ ଦାସ ଆଜିର ଦିନରେ ପ୍ରାକୃତିକ ବିପର୍ଯ୍ୟୟର ସଠିକ୍ ମୁକାବିଲା ସହିତ ଆତ୍ମ ଜୀବନୀ ରେ କରିଥିବା ସେବାକୁ ସଭାରେ ଆଲୋଚନା କରାଇଥିଲେ , ସେହିପରି ଜିଲ୍ଲା ସତ୍ୟ ସାଇ ସମିତି ସୁବର୍ଣ୍ଣପୁର ସଭାପତି ଗୁଣନିଧି ପାତ୍ର ସମସ୍ତ ଅତିଥିଙ୍କ ପରିଚୟ ପ୍ରଦାନ କରିଥିଲେ।
ବିଶ୍ବର ବିଭିନ୍ନ ପ୍ରାକୃତିକ ବିପର୍ଯ୍ୟୟ ପରିଚାଳନା ଓ ତାହାର ସଠିକ୍ ସଞ୍ଚାଳନ ରେ ପ୍ରତି ସତ୍ୟସାଇ ସେବା ସଂଗଠନ ର ଜଣେ ଜଣେ ମହିଳା ସମାଜ ସକାଶେ ନିଦର୍ଶନ ହୁଅନ୍ତୁ ବୋଲି କହିଥିଲେ। ପ୍ରାଥମିକ ଚିକିତ୍ସା , ବନ୍ୟା ମୁକାବିଲା, ଜୀବନ ରକ୍ଷା କୁଶଳତା ତଥା ସାପ କାମୁଡ଼ା ଚିକିତ୍ସା ବିଷୟ ରେ ୨୦୦ରୁ ଉର୍ଦ୍ଧ୍ ମହିଳା ଙ୍କୁ ତାଲିମ୍ ପ୍ରଦାନ କରାଯାଇଥିଲା। ବନ୍ୟା ବାତ୍ୟା, ଘରପୋଡି, ଭୂମିକମ୍ପ ପ୍ରବଣ ଅଞ୍ଚଳରେ ସେବା କାର୍ଯ୍ୟ କୁ ମାଷ୍ଟର ଟ୍ରେନର ବିବେକାନନ୍ଦ କାନୁନଗୋ, ଅବକାଶ ମଲ୍ଲିକ, ଶୁଭେନ୍ଦୁ ମହାନ୍ତି ପ୍ରମୁଖ ପରିଚାଳନା କରୁଛନ୍ତି । ଏହି କାର୍ଯ୍ୟକ୍ରମ କୁ ଜିଲ୍ଲା ମହିଳା ସଂଯୋଜିକା ଟିକେଶ୍ୱରି ମେହେର, ସଂଧ୍ୟା ରାଣୀ ପାତ୍ର, ରାମ ଦତ୍ତ ମହାପାତ୍ର,ସୁଶାନ୍ତ ସାହୁ, ଚନ୍ଦନ ବହି ଦାର, ଆରତୀ ଖମାରୀ, ବିଦୁତ୍ ମହାପାତ୍ର, ଜ୍ୟୋତି ପାତ୍ର, ସାଇ ଲକ୍ଷ୍ମୀ ସାହୁ, ପ୍ରକାଶ ମେହେର ଓ ସୋନପୁର ଜିଲ୍ଲାର ସମସ୍ତ ଜିଲ୍ଲା ସାଇ ସେବା ସଂଗଠନ ତରଫରୁ ସହୟୋଗ କରିଥିଲେ । ଏହି କାର୍ଯ୍ୟକ୍ରମ ଦୁଇ ଦିନ ଧରି ଚାଲିବ ବୋଲି ସଂଗଠନ ତରଫରୁ କୁହାଯାଇଛି l