କେନ୍ଦୁଝର/ପାଟଣା(ଦଶରଥ ବାରିକ) : କେନ୍ଦୁଝର ଜିଲ୍ଲା ସାହାରପଡା ବ୍ଲକ ଅନ୍ତର୍ଗତ ରାଇଡିହା ଗ୍ରାମ ପଞ୍ଚାୟତ ସ୍ଥିତ କଟୁପଡ଼ା ଠାରେ ସାହାରପଡା କୃଷି ଉତ୍ପାଦକ ସଙ୍ଗଠନ କାର୍ଯ୍ୟାଳୟ ପରିସରରେ ସାହାରପଡା ବ୍ଲକ ଅଧ୍ୟକ୍ଷା ରିନା ନାଏକ ଙ୍କ ଦ୍ଵାରା ମାଣ୍ଡିଆ ମଣ୍ଡି ର ଶୁଭ ଉଦଘାଟନ ହୋଇଯାଇଛି ।ଏହି କାର୍ଯ୍ୟକ୍ରମ ରେ ସମ୍ମାନିତ ଅତିଥି ଭାବେ ଜିଲ୍ଲା କୃଷି ଅଧିକାରୀ ସଦର ଡିଭିଜନ ର ବିଶ୍ୱଜୟୀ ମିଶ୍ର ,ଶ୍ରୀ ଅନ୍ନ ଅଭିଯାନ କେନ୍ଦୁଝର ର ସ୍କିମ୍ ଅଫିସର ସୁମନ ସ୍ମିତା ତରାଇ ,ବ୍ଲକ କୃଷି ଅଧିକାରୀ ତନୟା ସାହୁ,ସହକାରୀ କୃଷି ଅଧିକାରୀ ଅଜିତ କୁମାର ମଲ୍ଲିକ ଟି ଡି ସି ସି ଡାଟା ଏଣ୍ଟ୍ରି ଓପରେଟର ହେମନ୍ତ ମହାନ୍ତ , ଶ୍ରୀ ଅନ୍ନ ଅଭିଯାନ ତରଫରୁ ଜିଲ୍ଲା ପ୍ରକଳ୍ପ ଅଧିକାରୀ ପ୍ରିୟବ୍ରତ ପଣ୍ଡା ଓ ଆନ୍ନା ସାହେବ୍ ଅତିରିକ୍ତ ଜିଲ୍ଲା କାର୍ଯ୍ୟକ୍ରମ ସମନ୍ୱୟକାରୀ ଅଧିକାରୀ ପ୍ରମୁଖ ଯୋଗଦେଇଥିଲେ।
ଅନ୍ୟ ଅତିଥି ମାନଙ୍କ ମଧ୍ୟରେ ଏସ ଟି ଏସ ସି ମୋର୍ଚ୍ଚା ର ମମତା ନାଏକ,କେନ୍ଦୁଝର ସାଂସଦ ପ୍ରତିନିଧି ସୁଦର୍ଶନ ମହାନ୍ତ,ସାଂସଦ ଙ୍କ ଶିକ୍ଷା ପ୍ରିତିନିଧି ଗଗନ ବିହାରୀ ସେଠୀ, ରାଈଡିହା ସରପଞ୍ଚ ବିଜୁ ନାଏକ,ଖଡିକପଦା ସମିତି ସଭ୍ୟା ଲକ୍ଷ୍ମୀପ୍ରିୟା ମହାନ୍ତ ପ୍ରମୁଖ ଉପସ୍ଥିତ ରହିଥିଲେ।ସି ୱାଇ ଏସ ଡି ସଂସ୍ଥା ସହଯୋଗ ରେ କରାଯାଇଥିବା ମାଣ୍ଡିଆ ଚାଷ ର ବିକ୍ରି ନିମନ୍ତେ ଜିଲ୍ଲା ପ୍ରଶାସନ ୨୦୨୪/୨୦୨୫ ଆର୍ଥିକ ବର୍ଷ ନିମନ୍ତେ ସାହାରପଡା କୃଷକ ଉତ୍ପାଦକ ସଙ୍ଗଠନ କୁ ନିଯୁକ୍ତ କରାଯାଇ କୃଷକ ମାନଙ୍କ ଠାରୁ ମାଣ୍ଡିଆ ସଂଗ୍ରହ କରାଯିବ ।
ଚଳିତ ବର୍ଷ ମାଣ୍ଡିଆ ର ବିକ୍ରି ମୂଲ୍ୟ ୪୫୦୦ ଧାର୍ଯ୍ୟ କରାଯାଇଥିବା ବେଳେ ବିକ୍ରି ମୂଲ୍ୟ ସିଧା ସଳଖ ଚାଷୀ ମାନଙ୍କ ଆଧାର ସଂଲଗ୍ନ ବ୍ୟାଙ୍କ ଖାତା କୁ ତିନି ଦିନ ମଧ୍ୟରେ ଦିଆଯିବ।ବିକ୍ରି ର ନୋଡାଲ କ୍ରୟକାରି ସଂସ୍ଥା ଭାବରେ ଟି ଡି ସି ସି କୁ ଦାୟିତ୍ୱ ଦିଆଯାଇଥିବା ଜିଲ୍ଲା କୃଷି ଅଧିକାରୀ ଶ୍ରୀ ମିଶ୍ର ତାଙ୍କ ଅଭିଭାଷଣ ରେ ସୂଚନା ଦେଇଥିଲେ ।ଏହି ପରିପ୍ରେକ୍ଷୀରେ ମାଣ୍ଡିଆ ରୁ ପ୍ରସ୍ତୁତ ବିଭିନ୍ନ ପ୍ରକାର ର ଖାଦ୍ୟ ଆସିଥିବା ସମସ୍ତ ଚାଷୀ ମାନଙ୍କୁ ଦିଆଯାଇଥିଲା ।ତେବେ ସାହାପଡ଼ା ଶ୍ରୀ ଅନ୍ନ ଅଭିଯାନ ତରଫରୁ ବ୍ଲକ ସଂଯୋଜିକା ପ୍ରିତିନନ୍ଦା ବେଉରା କୃଷକ ଉତ୍ପାଦକ ସଙ୍ଗଠନ ର ସି ଇ ଓ ରାମଦାସ ଟୁଡୁ ଙ୍କ ସମେତ ପାର୍ଥ ସାରଥୀ ପାତ୍ର,ସୁଧାଂଶୁ ଶେଖର ନାୟକ ,ସରୋଜ କୁମାର ବାରିକ,ସତ୍ୟ ପ୍ରିୟ ମହାନ୍ତ,ଉଦୟ ନାଥ ମାରାଣ୍ଡି, ସ୍ନିଗ୍ଧାରାଣୀ ମହାନ୍ତ ପ୍ରମୁଖ ସମ୍ପୂର୍ଣ୍ଣ ସହଯୋଗ କରିଥିଲେ।